影片
更多
2018-01-22
173 浏览
冇谂过要写第一篇食评系负面嘅，但实在不吐不快。第一次食呢间，西营盘而加新开左好多食肆，呢间都已经开左有一段时间。今日（啱啱）终于都帮衬，结论 - 冇下次！对未食过嘅人黎讲绝对唔系损失。食物质素 - 好一般，冇咩特别。价钱唔系平。冬阴公汤包3个𩠌1个粉，我叫左蟹柳、手撕鸡、猪颈肉，另加$10要多个𩠌-糖心蛋；配唔淋的粉丝；另另加钱叫青柠梳打，一共盛惠$80。呢个价钱仲贵过我寻晚系三哥食两𩠌三酸汤底加小白加埋野饮！本来食物麻麻都唔系咩事，自己唔再去就得。但发生的小插曲实在令人无言：L-shape吧枱一共8座位，当时下午2点过后未够2:30只有我一个客人坐系𠮶到。向出面马路窗边另有一排4座位，其时亦有1个客人坐最入。之后有个女仔入黎坐系窗边排位，好正常地会同坐最入面嘅客人隔一个位咁坐，因为大家唔识架嘛！亦都未必想坐𠮶排最外面个位因为𠮶个位系门口隔离。个女仔落单时店员就同个女仔讲「你坐过啲或者出啲个位呀」我觉得好奇怪，佢大可以叫个女仔坐过黎我𠮶边的L型吧枱，点解会叫个女仔坐过啲或者出啲？个女仔都反问「有咩分别？」店员话「一阵我有两个客人的话咁佢地咪坐唔到落黎啰」当刻成间小小的舖头12个座位只有
第一次食呢间，西营盘而加新开左好多食肆，呢间都已经开左有一段时间。今日（啱啱）终于都帮衬，结论 - 冇下次！对未食过嘅人黎讲绝对唔系损失。
食物质素 - 好一般，冇咩特别。价钱唔系平。
冬阴公汤包3个𩠌1个粉，我叫左蟹柳、手撕鸡、猪颈肉，另加$10要多个𩠌-糖心蛋；配唔淋的粉丝；另另加钱叫青柠梳打，一共盛惠$80。呢个价钱仲贵过我寻晚系三哥食两𩠌三酸汤底加小白加埋野饮！
本来食物麻麻都唔系咩事，自己唔再去就得。但发生的小插曲实在令人无言：
L-shape吧枱一共8座位，当时下午2点过后未够2:30只有我一个客人坐系𠮶到。向出面马路窗边另有一排4座位，其时亦有1个客人坐最入。之后有个女仔入黎坐系窗边排位，好正常地会同坐最入面嘅客人隔一个位咁坐，因为大家唔识架嘛！亦都未必想坐𠮶排最外面个位因为𠮶个位系门口隔离。
个女仔落单时店员就同个女仔讲「你坐过啲或者出啲个位呀」我觉得好奇怪，佢大可以叫个女仔坐过黎我𠮶边的L型吧枱，点解会叫个女仔坐过啲或者出啲？个女仔都反问「有咩分别？」店员话「一阵我有两个客人的话咁佢地咪坐唔到落黎啰」
当刻成间小小的舖头12个座位只有2个食紧野嘅客同1个新黎啱啱坐底嘅客，咁样安排座位你冇野呀？！ 星期一下午2点几的西营盘？每个客黎食碗粉最多咪半个钟。
我听到都觉得火大，好在个女仔都好有骨气地话唔系到食喇，店员话「唔紧要呀」然后个女仔就走左。
咁嘅态度同待客手法，唔去真系唔系你损失。可能佢真系唔忧做（或者已经唔想做）。系呢个竞争激烈嘅西营盘，斜对面仲有好受欢迎仲系成日大排长龙嘅阿元，祝你好运！
张贴