影片
更多
2021-05-29
245 浏览
未试过一间餐厅咁难食，难食到要开个account打劣评泄愤我今日就叫咗个西冷牛扒意粉餐，食呢个餐就好似受刑咁先讲个汤，平平无奇冇咩特别杯冻朱古力好明显系朱古力粉沟糖水，奶都唔识加，得朱古力粉味冇奶味，不如俾杯清水我饮算啦之后个主菜我会话系全方位咁难顶，个意粉又干又硬，好似浸两浸就赶住上咁。𠮶阵又唔系好多客，点解唔煮耐啲先上菜呢西冷牛扒冇得拣几多成熟都算，但究竟佢系点样做到砖头咁硬，硬到我食成九个字都食唔到一半......块牛扒仲要鬼死咁咸，咸到好似啪紧樽盐咁，食完成条脷系又麻又痺，大佬你落咁多盐系想收买人命咩？我有咩事你系咪赔返个肾俾我啊？认真唔识煮嘢真系唔好出嚟做厨师害人啦，个客嚟帮衬系对间店有信心，唔该各位厨师真系要对客人嘅健康负责呢个餐仲要差唔多成旧水，呢个地段咁嘅厨艺你哋收呢个价钱其实良心过唔过意得去啊？今日就当自己唔好彩跌钱俾骗子，唔会有下次！
我今日就叫咗个西冷牛扒意粉餐，食呢个餐就好似受刑咁
先讲个汤，平平无奇冇咩特别
杯冻朱古力好明显系朱古力粉沟糖水，奶都唔识加，得朱古力粉味冇奶味，不如俾杯清水我饮算啦
之后个主菜我会话系全方位咁难顶，个意粉又干又硬，好似浸两浸就赶住上咁。𠮶阵又唔系好多客，点解唔煮耐啲先上菜呢
西冷牛扒冇得拣几多成熟都算，但究竟佢系点样做到砖头咁硬，硬到我食成九个字都食唔到一半......
块牛扒仲要鬼死咁咸，咸到好似啪紧樽盐咁，食完成条脷系又麻又痺，大佬你落咁多盐系想收买人命咩？我有咩事你系咪赔返个肾俾我啊？
认真唔识煮嘢真系唔好出嚟做厨师害人啦，个客嚟帮衬系对间店有信心，唔该各位厨师真系要对客人嘅健康负责
呢个餐仲要差唔多成旧水，呢个地段咁嘅厨艺你哋收呢个价钱其实良心过唔过意得去啊？
今日就当自己唔好彩跌钱俾骗子，唔会有下次！
张贴