影片
更多
2021-11-20
72 浏览
星期五收工唔想煮饭，咁岩见到呢间路端烧评价唔错，一个喊都冇，我就谂住过嚟食吓好嘢开心吓，慰劳自己呢一个星期嘅忙碌啦，但系食完之后，我真系好怀疑之前啲食评都系广告！首先一嚟到餐厅，感觉已经有一个好大嘅落差，说好了的炉端烧呢？！根本系壹间茶记…OK冇问题，装修嘅嘢见仁见智，啲嘢好食嘅话都冇乜所谓啦。但系点知到佢上第一道菜嘅时候即时吓一跳！首先上嘅系味醂鱼干， 一上枱就俾佢个size吓亲，从来未见过一客咁细份嘅鱼干。OK有味嘅，但完全唔香完全冇烤过嘅感觉，只系纯粹返热，开袋叮翻热就俾你𠮶种，失望…跟住到串烧牛舌同三文鱼腩，个牛舌味道OK嘅，但系又细块又薄切，完全冇口感。个三文鱼腩，哗经典啊，仲衰过我自己喺屋企煎！有骨我都唔怪你啦鬼叫自己嗌鱼食，但真系未试过三文鱼腩个鱼皮有㶶嘅苦味但系完全唔脆系奀皮嘅，佢到底用一个咩嘅技术先可以整到咁嘅效果？到寿司拼盘，佢啲刺身完全唔新鲜，海胆有苦味嘅，个旧拖罗我都唔预你好肥美啦，我可以容许到你有少少根(始终系生物唔系合成鱼生我明嘅)，但系都唔系多根到咁呀嘛… 我最后咬唔到要吐返出嚟果条根大到呢…真系唔知一个乜嘢质素嘅鱼生加一个咩刀工先至可以切到一旧咁嘅鱼生出
首先一嚟到餐厅，感觉已经有一个好大嘅落差，说好了的炉端烧呢？！根本系壹间茶记…
OK冇问题，装修嘅嘢见仁见智，啲嘢好食嘅话都冇乜所谓啦。但系点知到佢上第一道菜嘅时候即时吓一跳！
首先上嘅系味醂鱼干， 一上枱就俾佢个size吓亲，从来未见过一客咁细份嘅鱼干。OK有味嘅，但完全唔香完全冇烤过嘅感觉，只系纯粹返热，开袋叮翻热就俾你𠮶种，失望…
跟住到串烧牛舌同三文鱼腩，个牛舌味道OK嘅，但系又细块又薄切，完全冇口感。个三文鱼腩，哗经典啊，仲衰过我自己喺屋企煎！有骨我都唔怪你啦鬼叫自己嗌鱼食，但真系未试过三文鱼腩个鱼皮有㶶嘅苦味但系完全唔脆系奀皮嘅，佢到底用一个咩嘅技术先可以整到咁嘅效果？
到寿司拼盘，佢啲刺身完全唔新鲜，海胆有苦味嘅，个旧拖罗我都唔预你好肥美啦，我可以容许到你有少少根(始终系生物唔系合成鱼生我明嘅)，但系都唔系多根到咁呀嘛… 我最后咬唔到要吐返出嚟果条根大到呢…真系唔知一个乜嘢质素嘅鱼生加一个咩刀工先至可以切到一旧咁嘅鱼生出嚟（本来真系好想影埋𠮶旧我吐返出嚟嘅根俾大家开下眼界，但最后为大众嘅身心灵健康决定唔咁做）
烧鳝，都系奀皮嘅…
跟住到个金马伦芝士卷，佢用啲包包住个芝士再唔知炸定系点整，首先有大半条包都系空心嘅，我真系唔知佢卷左几多芝士落去，最重要嘅系佢𠮶块包根本仲隔夜过隔夜面包仲要系面包皮咬落去完全唔系炸或者焗过嘅感觉，系硬到hihi ，芝士又冇芝士味，识落除咗热气我乜都食唔到。
到野菜天妇罗，话呢个简直系经典中嘅经典，我从来冇食过一个咁恐怖嘅天妇罗。佢一上枱我一见到嘅时候已经呆一呆，哇唔系呀嘛咁厚炸浆嘅…叫自己停一停深呼吸，冷静咗2秒之后心谂，冇嘢嘅炸浆都会有唔同style有啲厨师钟意做薄有啲钟意造厚应该OK嘅…但系一咬落口，今次GG了…首先佢𠮶个炸酱厚都唔紧要啦但系佢系硬嘅！硬度参口𠮶只，咬开只冬菇，𠮶只冬菇又细只又薄身，根本系我娘亲用嚟整冬菇粒果啲平价冬菇仔(所以要用个厚嘅炸浆皮整到佢大只啲，绝！ )，咬到最后𠮶啖个炸皮脱壳跌落只碟度”quong”一声，无论系视觉味觉听觉都感受到佢嘅硬…
跟住到吉列广岛蚝，心谂应该冇事啦挂都系用急冻蚝炸返热嘅啫…个色水系深色咗少少仲未去到窿嘅…咬落口，依然有佢嘅炸浆特色，只蚝个炸浆厚度呢占咗横切面差不多三份一，个炸皮硬到hihi，咬到落个蚝肉度，里而啲肉一pat咁完全唔Juice …
呢餐真系食到怀疑人生，食唔饱都完全冇动力再去加单，真系宁愿返屋企食杯面或者楼下噏耷茶记食都冇咁嬲，都仲好食过佢！
但系有一样嘢要赞一赞佢，佢个Menu里面啲相影得真系唔错，果然系图片只供参考👍🏻
张贴
