屋台料理

营业中

休息中

平日晚饭时间去买外卖，见好多人排以为好好食，最后先发现原来系出餐慢到排长龙…我叫左个唐扬鸡饭，前面得5张单，但等左半个钟先拎得。中间等到唔耐烦望一望舖内，原来佢个炸炉细到净系炸到大约两份野食，但舖头大部分野食都系炸物同串烧。最离谱系，我前两张单有个妹妹等左好耐，问姐姐有未，姐姐话等多阵，差两串鸡串烧，内场个男人(老板)听到后态度好差燥住咁同姐姐讲：「你叫佢取消啦，退返钱比佢！」原来自己出餐耐仲可以燥返个客催佢，直接叫人取消唔做。最后，我等左半个钟嘅唐扬鸡饭，得4旧咁多，冇任何配菜，完全唔够送饭，连沙律酱都比得超级悭皮。4旧鸡等半个钟，食老麦好过。