影片
更多
2023-02-10
2856 浏览
同朋友一行五人到星光行北京楼用餐，我们是预先订咗要求了窗口位置。入去的时候觉得装修好似有点upgrade 了，因为几年没有去过，配合灯光，餐厅感觉高大上，而且有大玻璃，可惜我们的位不是窗口只是能看到窗。但是没所谓，重点应该去返食物𠮶度。六点多去到的时候没有太多人，晚一点差不多全场满座，但餐厅员工极少，要大声叫唔该才能找到一个人，因为你挥手是没有人会看到你，完全不配合装修。没有叫套餐，选择了单点菜式。餐厅定价比较进取，所以都会期望食物有一定水准，好可惜，没有一样食物是好吃的，而且没有一样是有温度的。全部不是冻就是室温，或者微暖。前菜不过不失，但系素鹅入边只有红萝卜。主菜是北京填鸭，一只，$488卖相不错，净皮和连肉都有，适合不同喜好的人。可惜好老好鞋好柴。而且唔热！包片皮鸭的饼皮是用一个火炉蒸著，但出奇地每一片都是冰冷的，应该是从雪柜取出直接放上去，但系每一片叠起阻隔住蒸笼出蒸气嘅位置，根本没有办法将饼皮蒸热。其实呢一个炉只可以作保温用途，如果你将冻的饼皮直接比客，直到食完饭都唔会热。再食第二样主菜，已经对呢一餐完全失去信心，呢一碟差得过份，啲肉全部好似汤渣一样，真心难食，但系咁贵都系食
入去的时候觉得装修好似有点upgrade 了，因为几年没有去过，配合灯光，餐厅感觉高大上，而且有大玻璃，可惜我们的位不是窗口只是能看到窗。但是没所谓，重点应该去返食物𠮶度。
六点多去到的时候没有太多人，晚一点差不多全场满座，但餐厅员工极少，要大声叫唔该才能找到一个人，因为你挥手是没有人会看到你，完全不配合装修。
没有叫套餐，选择了单点菜式。
餐厅定价比较进取，所以都会期望食物有一定水准，好可惜，没有一样食物是好吃的，而且没有一样是有温度的。全部不是冻就是室温，或者微暖。
前菜不过不失，但系素鹅入边只有红萝卜。
主菜是北京填鸭，一只，$488
卖相不错，净皮和连肉都有，适合不同喜好的人。可惜好老好鞋好柴。而且唔热！
包片皮鸭的饼皮是用一个火炉蒸著，但出奇地每一片都是冰冷的，应该是从雪柜取出直接放上去，但系每一片叠起阻隔住蒸笼出蒸气嘅位置，根本没有办法将饼皮蒸热。其实呢一个炉只可以作保温用途，如果你将冻的饼皮直接比客，直到食完饭都唔会热。
再食第二样主菜，已经对呢一餐完全失去信心，呢一碟差得过份，啲肉全部好似汤渣一样，真心难食，但系咁贵都系食埋佢，食系因为佢收得贵，唔系因为佢质素好，质素相比两𩠌饭的还要差！
葱爆羊肉，自己睇，不如叫葱爆葱加肉碎算啦，5个人可能每人冇一粒，真系好意思收人哋百几二百蚊？要赞嘅系我地同店员反映，佢即提议换第二样或取消，所以呢碟冇食，唔知味道。
呢碟豆腐，冇偷食，上枱就是这样，味道系唯一好少少，虽然个汁都系奇奇怪怪，起码佢系暖暖地，唔系室温。
其实我见到佢有微波炉㗎，不如你叮热俾个客，个客都冇咁嬲，就算唔系好食，如果每一样嘢都系热嘅，你环境又几靓，卫生又唔错，又有窗有景，我都唔会有咁差嘅用餐感受，但系啲碟碟都系冻，想点啫？
虽然都唔系热，不过是但啦，食咗几碟之后都预咗，起码都系有肉汁嘅。
甜品睇样都几靓㗎，有兴趣自己去试吓，我就唔会再去。
环境本来想比5分，因为我入去嘅时候真系好唔错（未入客），但到我走嘅时候发觉佢放晒啲机械人喺度送餐，降价到自己好似茶餐厅咁。扣1分，厕所几靓，呢个系我谂咗好耐可以赞呢间餐厅嘅地方。
多谢收看，如果想睇多啲我嘅真实食评，可以follow。
总结：环境好，干净，好坐，但食物唔得。
张贴
