坐鎮

营业中

休息中

屋企附近新开嘅餐厅，衬放假就落去试吓，点知系伏。叫咗4样嘢，包括口水西施牛坑肉、鲍鱼洋葱饭、虾米蒜子浸娃娃菜同埋酱烧肉茄子。首先上咗鲍鱼洋葱饭，味道都唔错，其他配料都多，有鸡粒、杂菇，而鲍鱼只有一只，waiter 好细心叫咗厨房帮我哋砌开，食咗一半左右就打大佬，就系「口水西施牛坑肉」，就咁睇𩠌名，我以为系西施骨啲friend, 所以冇问waiter 系咩，而英文𩠌名都冇乜特别，点知一上菜，原来西施 = 西瓜 🤢 我见到简直系O哂嘴，配埋囗水牛坑肉一齐食，又辣又甜又多汁，味道好覆杂。之后上虾米蒜子浸娃娃菜，菜用鸡汤浸住，都几入味，系唔错，不过就唔系好觉有虾米。最后上系酱烧肉茄子，茄子应该系焗完之后淋上肉酱，茄子焗唔熟仲系爽嘅，而且肉酱唔系同茄子一齐焗就咁淋上面，茄子系一啲味都冇，加上唔熟嘅口感，难食到一个点。