影片
更多
2024-09-08
1838 浏览
做节饭，我同老公仲有另外5个屋企人约左去愉景新城海港荟食。我同老公先到酒楼，然后老公去鱼缸拣只5斤半长脚蟹，由于其他屋企人未到齐，老公特地同部长讲咗话唔好蒸住。返到埋枱见到另外一个侍应问我哋拣好未，我哋话拣好跟住都系同佢哋讲唔好起只蟹住。其他𩠌就等屋企人到齐先落单。不可思议既事情开始发生，坐低20分钟左右突然见到只应该未蒸得但蒸好左既蟹上桌，𠮶时我仲有另外4个屋企人未到齐。不可思议2: 举手揾侍应揾部长，我地枱应该进入左隐形mode，个个都我地唔到。终于时运低果个见到我地话会跟进，但系认完一句就冇再过黎。后来我屋企人喺只蟹上枱后8分钟到达，于是拿拿声落埋其他𩠌叫佢哋可以起𩠌。但张枱喺风口位，佢哋嚟到我哋一齐食蟹脚嘅时候就已经冻左一半。到食蟹身时已经成只蟹冻晒。不可思议3: 由落单叫其他𩠌到食完只蟹，呢35分钟入面其他叫既道𩠌一样都未黎过（有2样仲要系烧味）忽然有个职员走埋嚟问其他𩠌系咪可以叫厨房起。果下真系不可思议，唔识火滚既我开到大火咁滞，犀利。6）𩠌既事已经嬲爆。其他不可思议，8只茶杯有一半都有污渍，小污渍都算自己洗，有一只真系太污糟叫佢地换一只过嚟，前后叫咗三四次⋯等咗20分钟都
不可思议既事情开始发生，坐低20分钟左右突然见到只应该未蒸得但蒸好左既蟹上桌，𠮶时我仲有另外4个屋企人未到齐。
不可思议2: 举手揾侍应揾部长，我地枱应该进入左隐形mode，个个都我地唔到。终于时运低果个见到我地话会跟进，但系认完一句就冇再过黎。
后来我屋企人喺只蟹上枱后8分钟到达，于是拿拿声落埋其他𩠌叫佢哋可以起𩠌。但张枱喺风口位，佢哋嚟到我哋一齐食蟹脚嘅时候就已经冻左一半。到食蟹身时已经成只蟹冻晒。
不可思议3: 由落单叫其他𩠌到食完只蟹，呢35分钟入面其他叫既道𩠌一样都未黎过（有2样仲要系烧味）忽然有个职员走埋嚟问其他𩠌系咪可以叫厨房起。果下真系不可思议，唔识火滚既我开到大火咁滞，犀利。
6）𩠌既事已经嬲爆。其他不可思议，8只茶杯有一半都有污渍，小污渍都算自己洗，有一只真系太污糟叫佢地换一只过嚟，前后叫咗三四次⋯等咗20分钟都冇人拎到嚟⋯
7）啤酒玻璃杯其中一只完全裂开嘅照摆上枱
8）叫酥炸桶蚝，同落单个侍应讲咗三次要酥炸，结果都系黎咗姜葱桶蚝，真心劲！我都懒得再反映，因为唔知叫佢再整又要等几耐
侍应真系有好大问题，唔明白落单侍应会话唔知乜野桶蚝，叫啤酒同佢讲完要蓝妹转头又问系咪百威。提早上只蟹果下我真系著左灯，但难得屋企齐整食做节饭饭我先冇发癫。唯一得一个男仔头短发部长后黎帮手跟进追𩠌，先叫最后食得安乐。
总结：我都系第一次咁有心机出po，贺下自己经历左咁多不可思议既事都要啦
284 浏览
1 赞好
0 留言
张贴
