維港冰室

营业中

休息中

今日自己一个食午餐，入到去侍应好快就安排咗搭枱。之后我再望吓餐厅，入边有四张卡位四人枱全空。之后我一边食，一边再留意吓，发觉佢哋不断叫人搭枱。冻柠茶嚟嘅时候，阿姐问我你系7–11 A定系7–11号B。我问返佢系咪应该我问你呢？佢叫我自己睇吓张单上面有写。黑椒焗牛脷饭。成盒饭剩系得两块细嘅牛脷。准备离开嘅时候，帮我企起身着外套，都未著完，阿姐已经大叫，一位呢边啦。下一个客已经企响我面前。问佢攞纸巾，答我依家冇啦，两蚊啦。成件事每样嘢分开睇好小事，但系所有嘢发生响同一个餐厅就有问题。