籠太子點心專門店 (已結業)

今日星期日，一行四人嚟咗呢间点心店饮茶。见啲食评唔错，都有点期待。我地12:11落单，以为应该好快会出到点心啦。一路等咗十几分钟，只系见佢出外卖单，咁就心谂算啦可能午饭多外卖。等咗半个钟开始觉得唔对路，有咩理由会净系出外卖，我地堂食客就等半个钟都乜菜都未上。我地问个职员「等咗半个钟啦㖞」佢嘅回应系「系呀即叫即蒸㗎」听完真系R哂头，咁即叫即蒸点解只系会出外卖呢？堂食客就可以慢慢嚟？？？等到已经好冇耐性，佢仲要慢慢嚟。去到12:57先至上第一笼点心，足足等咗46分钟。佢啲点心系好食㗎，但系坐喺咁嘅环境等大半个钟真系冇下次。上咗几碟之后我地就冇再落单，去第二度再食