點心廊 (已結業)

每次出街谂要食咩都系大挑战，其他野食到闷所以两个人走左去饮茶食点心。坐落第一印象系茶壶同餐具好靓！款式同质感都深得我心(女人去到边都会开启购物Mode) 点心好精致，而且份量比想像中大。 虾肉爽口菜苗幼嫩，水晶皮烟韧又唔黏牙，食完男朋友即讲今次试新野冇中伏芋角一向系我最爱，呢度嘅内馅芋蓉比平时食嘅更幼滑，外脆内软好味！不过带子的存在感就唔算好高。 将鹌鹑蛋酿入烧卖仲做到流心效果，点心师傅技术真系一流！唔讲流心单系烧卖本身都好味，爽口弹牙，加埋蛋黄口感更柔软。 呢味小炒重点应该系微辣嘅沙茶酱，好惹味。墨鱼爽份量好足，食极都有 是日最爱足足食左三碗饭！鲍汁加上花胶同瑶柱令酱汁好鲜甜又唔会死咸，配饭真系一流，仲要每啖都食到花胶，食得好满足。 影埋餐牌大家可以参考一下，有新派菜都有传统点心 总括黎讲价钱一定比普通茶楼贵少少，胜在环境好食得舒服，员工都好有礼貌。菜式花过心思设计，用料好味道都好，可以再encore！