園林閣咖啡室

营业中

休息中

听讲呢度自助午餐好抵食，大小同价实收$190。家姐讲咗好耐话同两个小朋友嚟，终于今日约齐人，大大细细八个人嚟食自助午餐。见到有唔同嘅鱼生，梗系要攞返啲食啦。你话要乜就帮你切乜，我要哂四款，希灵鱼同八爪鱼都系我最钟意嘅，全部鱼生都好新鲜，我印象中我去过嘅自助午餐好少有希灵鱼，👍🏼👍🏼😋😋😋讲真呢度冇乜热嘅嘢食，不过面档都有几多样𩠌拣，我话惊啲喇沙汤底好辣，面档职员帮我加啲清汤。👍🏼👍🏼其他热嘢基本上就系下面张相𠮶啲，😅值得一题，佢哋有猪脚姜。呢间餐厅喺龙堡酒店入面，地方宽躺干净。食物方面，鱼生同沙律都好新鲜、甜品款式都几多，不过雪糕就唔系贵嘢，但系将啲雪糕加入即磨咖啡都几好饮。😋如果你钟意食沙律、鱼生同甜品，又唔介意冇乜热嘅嘢食，加上人数多（人均唔贵，感觉唔使俾一大笔钱）🤣🤣，呢度都系可以考虑嘅自助午餐地方。