豚勝

营业中

休息中

同屋企人系西九果边睇完麦乐鸡展，就过黎圆方揾野食，见到有间食炸猪扒，又好耐无食就试试佢！我地系闲日晏昼3:30左右入座，所以当时餐厅未有其他客人，我地一入座后店员就送上两碗芝麻比我地自己磨碎佢。芝士系有炒过的！所以轻轻磨左几下已经有好香既芝麻味飘出黎😌然黎店员再讲解磨碎芝麻后，可以加入猪扒酱。• 特选吉列猪柳定食 $198我自己就叫左猪柳定食，有一个饭、渍物、椰菜、豆腐猪肉汤、及炸猪柳。猪柳食落唔算好juicy，但幸好未到好鞋🫠而且都有5旧，份量足够。吉列炸既猪扒油腻感唔算好重，椰菜丝我就落左柚子酱，酸酸味味可以中和返油腻感。• 吉列厚切里肌猪扒配冷乌冬 $198里肌猪扒望落肉面偏粉红，因为油脂较多，所以食落都唔会太干。反而冻乌冬几有惊喜！佢提供左鹌鹑蛋、芥末、葱粒去捞个乌冬汁。乌冬亦颇有口感！少少芥末既辣味加埋一齐夏天食就好透心凉，亦有好fresh既感觉。最后二人埋单$436，圆方食野黎讲价钱差唔多，而且我地大概4:30离座，都开始陆续有其他客人入座。