碗碗香 (已結業)

呢度主打牛肉汤粉，所以我地一个试清汤，一个试辣汤，因为我唔敢食太辣，所以拣左小辣，我地都系爱牛之人，当然要试牛𦟌啦🤤老细话清汤系用鸡骨猪骨牛骨熬10个钟，唔怪得个汤咁甜，一饮就知唔系味精汤，我见仲有泡菜同少少香蒜味，唔系得咸味咁普通。至于辣汤都几香，辣辣地麻麻地咁❤️❤️牛𦟌好出色，而且一碗有成7-8块，份量都多，而且五香味好浓，腌得好够入味。但最特别系个粉，我第一次食呢个质地既粉，望落去感觉好似乌冬咁，一食落去好滑，可以成条吸入口，咬落少少爽爽地，值得推介呢个粉🤘🏻🤘🏻🤘🏻🤘🏻🤘🏻最后仲有杯茶，叫苗乡苦丁茶，冻饮解辣一流，但略觉得苦左少少，可能平时少饮苦茶唔太惯，茶香好浓，唔怕少少苦既都值得一试。