Fine Day Cafe (已結業)

朋友从外地回来，尖沙咀周围都多人，我见呢间冇人就提议试下。首先，食物同嘢饮都系冇味嘅，我从来冇谂过鹅肝都可以系难食嘅。Order左两份嘢食，都可以漏单，我朋友嬲嬲地，因为催完又催，侍应都冇反应。我就话算啦，咪怪佢啦，香港系咁上下，其他地方可能仲差。呢个时候嘅我仲十分宽容，点知之后就出事。因为有个朋友九点几先嚟，于是我特登加多几十蚊叫多杯嘢饮，谂住坐低慢慢倾多阵。其实间野嘅位置好难揾，于是我出去接佢啦。点知返嚟，我果杯饮左一啖嘅嘢饮，个侍应竟然收咗，原因系佢哋要收舖,但重点系佢哋一路都冇提过。我哋三个系当场呆左，到我离开咗嘅时候先至识嬲，真系好好地嘅一晚就比佢搞到心情差左。我想讲，质素呢啲嘢可以改善，但系态度真系好有问题。谂返起，佢哋系半句唔好意思嘅说话都冇讲过。冇下次，完。