滿記甜品 (朗豪坊)

营业中

休息中

酸嘅芒果汁，冇味嘅豆腐花2018/10/20星期六晚gathering后为咗聚耐啲，我同两个朋友谂住食糖水，因为系朗豪坊食完饭，唔想周围走，就直接系旁边嘅满记食糖水。糖水选择非常少，传统糖水居多，谂唔到食咩之下点咗芒果豆腐花（$35）我已经觉得唔值依个价，豆腐花冇味，芒果酸，芒果汁更酸，好似真系好难委自己咁食哂成碗。豆腐花冇豆香味，入口又唔滑溜，如果唔系为应朋友随便选间我会去买抹茶雪糕食。沙田嘅满记唔特别好食，估唔到旺角嘅都咁强差人意，如果唔系地理优势，我相信冇人会行入黎，点会好似依家唔多好食仲要等位咁可笑。朋友点了炖奶及热富贵蛋白，估唔到份量咁少，我地正餐后大家都有啲食唔落，最后朋友们都冇食哂可能系碗嘢本身冇吸引力令你食哂佢。热富贵蛋白好像系腐竹糖水内加了蛋白，朋友冇特别评价，但冇人讲过好食两个字，大家食得咁饱，而且依间嘢冇咩特别好食，有点兴致尽失，我会尽力避开再去满记食糖水嘅机会。