明珠閣 (已結業)

年初一当然要揾间中式食肆食，感受下新年气氛。呢间嘢一向多人排，见放假有时间就唻试。呢度都系供应啲大路嘅中式食品。叫咗鸡丝粉皮，南乳猪手，叉烧王刈包，烧卖，瑶柱蛋白炒饭，几样大路嘢。烧卖间间茶楼都有，估唔到呢度嘅烧卖有惊喜，一粒烧卖内有两件虾仁，而且虾仁弹牙入味。叉烧王刈包都唔错，包皮薄带点甜味，蜜汁叉烧王系半肥瘦嘅，口感好，又入味，但两个包盛惠$48+10%,真心觉得贵。其他味道一般，未能令人留下印象，但呢度服务质素唔错，待应有礼，会主动收拾食完嘅食品。