明珠閣 (已結業)

沙田新城市廣場嘅底層有一間明珠閣，其實係好似飲茶咁食點心嘅。佢地午市嘅套餐都幾抵食，有單人粉麵餐，或者有兩個人以上就可以試二人餐，就最抵食。佢哋嘅二人套餐，有燒味，自選嘅點心，同埋炒粉麵飯，都係百二三蚊到，兩個人食其實一定食唔晒！差唔多３個人黎，都可以叫一份二人餐再加一兩樣點心。呢度比較推薦嘅就係佢地嘅叉燒，全部厚切，同埋部位應該揀過嘅，都係帶少少肥的梅頭，如果散叫嘅話其實都幾貴。另外，當然仲有啲而家新興造型非常可愛嘅點心，好似依個一個雜錦三色包咁樣，最可愛嘅豬仔拎咗係手會係唔捨得食，餡料一般都係朱古力，豆沙，奶黃之類。如果行開附近要飲茶，其實可以一試，唔一定要上7樓去美心嗰度排隊啦。

因為要係沙田新城市購物既關係，都係選擇係商場午餐，可以係大型商場插旗既食肆，當然都係大集團啦⋯⋯都係個句，我係一向支持小店。叫左個午市二人套餐，有菜，海南雞，蛋白炒飯，例湯，腸粉，鵪鶉旦燒賣，當然要加一同茶位費啦。先講海南雞，已經唔夠熱，距離「暖」都差好遠，上枱D雞皮已經好乾身，味道亦肥佬！屋邨餐廳做得好過佢。炒飯亦可以，尾段加入雪耳一齊炒，雪耳軟硬適中，幾特別。例湯味道都係遍鹹腸粉同燒賣都無問題，食得過。炒菜本身無乜嘢，只係食食下見到條蟲🐛 😱最後要提既係，集團商店，收費亦收足，作為客人都希望買得到應有既質素，碗湯真係賣相有點嚇人，我隻湯盅好多位置都崩左，本身上枱，湯碟都有湯，應該廚房出菜前要抹一抺。

今天放學後我和兩位同學到沙田大會堂，欣賞同學的水彩畫展出 ，不過 ；賞畫之前我們先祭五臟廟 ，又去返 上次我們吃午餐的明珠閣，上次是散叫，覺得很不錯。今次我們三人行 點選了精選2人套餐 三人分享 ，套餐分別選擇蜜汁叉燒王、水晶菠菜餃、陳皮牛肉球和瑤柱蛋白菜粒炒飯， 並奉送是日靚湯及白菜時蔬。兩碗有豬骨 紅蘿蔔湯料的老火湯，味道尚可，走油白灼菜心 十分健康，半肥瘦 蜜汁叉燒王腍腍滑滑。兩款點心我們選擇菠菜餃 和牛肉球都是大大件，熱騰騰的牛肉球有肉味、爽滑，菠菜餃的菠菜相信經過廚師處理，都十分可口，蝦仁也爽脆。炒飯 炒得非常之好，粒粒飯香沒有油膩感，有瑤柱、翠玉瓜、蛋白，清淡中又感覺豐富和健康。

今日同我女朋友去日本，去咗沙田第一城城市廣場，明珠閣，飲下午茶，叫咗兩個雲吞麵沙薑豬手，仲有就係，一個甜品。呢間明珠閣，以前冇咁多嘢食，而家多咗好多嘢食選擇好多。不過晏晝好多人排緊隊好彩我哋呢兩個我就唔使排隊喇。我哋仲叫左個乳鴿試下個乳鴿嘅味道正唔正。佢呢度係飲中式茶嘅所以哩但係都可以叫汽水啊飲品啊。個賣相都好靚，尤其嗰啲小點呢都有有卡通公仔。我哋食咗大約一個鐘头左右，誒好舒服，環境都唔錯。埋單都算貴下次再嚟呢間鋪頭都幾好。

放假天☺️去沙田睇戲買完飛就去醫肚先男朋友話想食下一盅兩件好啦，見呢間唔使排隊就試吓啦😎流沙奶皇包，一啲都唔流心嘅🤦🏻‍♀️失望蒜蓉蝦春卷，熱辣辣，每啖都有蝦，正丫叉燒腸粉，好似一早整定咁，唔熱嘅🙈鮮蝦燒賣，大大粒，一啖食哂好滿足鵪鶉旦燒賣，不過不失啦，唔算好好食銀芽肉絲兩麵黃，味道很淡，一般另外想講一講職員啲態度🤦🏻‍♀️一係就圍埋傾計 有客叫又聽唔到行到埋你又黑口黑面🙄想點丫😒😒😒

因為一有十幾人食晏，想方便傾計，就通常食酒樓。但沙田新城市八樓的酒樓大致上都食過，而且味道其實沒太大分別。搜查下，發現了這間店，點心價錢好像更便宜。這店的服務很好，不像普通酒樓般好嘈，傾計最好。上菜都快，食物味道不錯👍🏻特別推介叉燒，還有賣相很可愛的小包子。炸春卷亦夠脆。套餐好抵食，份量好夠。不過，如果切蛋糕要俾五十蚊切餅費，但店員可以幫你分，咁多人都分得好平均不過，一定要叫佢唔好問係咪上得蛋糕，因為個次佢一問就無哂驚喜🙈

很久沒有出外食中餐午餐，經過明珠閣，不用等位，於是膽粗粗入內。入座後待應馬上奉上熱茶及menu。Menu種類繁多，不過午餐menu卻只得一頁。點了個牛腩面，不用5分鐘已經上台了。牛腩肉質ok，不癡牙，面沒有鹼水味，可惜分量對於我這位男士來講比較少。另外還點了個時菜，可惜煮得不夠稔，有點生。餐廳座位舒適，店員主動斟茶遞水，結帳時要加一。其實餐廳有些二人套餐，有點心，有飯，看到鄰卓點了，賣相比我的牛腩面吸引，有機會下次可以一試。

又來食，今次食小菜😋每次同屋企人黎沙田食晚飯，多數會黎返呢間食小菜，多種類又好食。今日等位都唔算多人，好快就有位。叉燒次次黎到都叫，因為好味，今次啲叉燒切得好好，唔再係大大嚿。半肥瘦叉燒我就至鍾意食啦，餸埋白飯就一流啦😆必食咕嚕肉🤤呢間咕嚕肉唔似出面咁多粉漿，而且味道啱啱好。今次就瘦咗啲，肥返少少就好啦。雖然兩樣餸都係豬，但唔怕，仲叫左其他野。今次仲叫左個湯，反而有d失望，太過淡，應該忘記加鹽😂

放假同女朋友去新城市食晏，佢話想去飲茶，原來選擇唔多。如果高峰時期唔想等咁耐，明珠閣係個好選擇。餐廳唔係一般酒樓圓枱設計同充滿空間感，但員工有禮貌都可以令用餐體驗感覺良好。香煎素腐皮卷($38)。一上枱熱辣辣，入面餡料好足，有西芹，冬菇，蘿蔔等等。牛肉腸粉($46)。粉皮都算滑但略嫌太厚，又唔夠料。水晶菠菜餃($40)。出面好多酒樓都係菠菜多過蝦，係呢間係蝦多過菠菜，脹卜卜，大滿足。女朋友想食動物包但係唔知點揀，原來可以做個貪心鬼，一次過叫曬三款。三色手工包($42)。熊貓係紅豆蓉，足料又唔算太甜。黃色熊仔係流沙包，有好香鹹蛋黃味，大推! 豬仔係流心朱古力醬，最麻麻地係呢一款，同個包唔夾。食緊唔覺，之後發現好口渴，明顯落多咗味精。

有日喺沙田提早收工，六點幾又有d肚餓，所以同老公就去明珠閣食個二人餐，嗰日我地揀咗香菇螺頭燉湯，個湯夠曬熱又夠濃味，好飲！前菜叫咗鐵板叉燒，有職員會拎塊熱鐵板出嚟再淋d蜜汁落去，有視覺效果嘅，叉燒好厚，但一d都唔鞋，正！主菜叫咗秘製牛仔骨，依蝶餸就差d喇，咸得濟另外最出色嘅係海鮮豆腐煲，d豆腐炸完再煮都仲好滑，海鮮好足料，有魚，蝦，帶子，好鮮味，最正係依個煲！全個套餐連加一，最後賣品451，我覺得價錢合理，可以再食！

想食中餐，見到有個二人餐價錢都好合理，而且內容非常豐富 ，裏面都係一啲家常菜，好啱胃口！叫咗欖菜四季豆同咕嚕肉， 小食方面要咗一個比較難自己整嘅金沙雞翼。金沙雞翼有4隻，都係剛剛炸起，再包上濃郁的咸旦醬汁！ 如果冇記錯個鹹蛋醬汁，應該係咸旦再加牛油煮成，其實真係非常極邪惡，不過我美食當前，食咗先講！當中最出色同吸引嘅我覺得係雲吞雞，因為咁啱佢畀咗一隻大雞髀！我覺得好幸運喔！而且雲吞都好新鮮，湯亦夠味！其他水準都唔錯！讚呀！

明珠閣位於沙田新城市廣場地下， 盡佔地理優勢，擺枱雖密但不困聲， 環境和招呼不過不失。鐵板叉燒王 侍應在食客前把叉燒放在鐵板上，再淋上黃豆同蜂蜜，先聲奪人，讓視覺和嗅覺得到滿足。可惜黄豆唔夠淋，醃肉時間不足，除外皮外，肉本身淡而無味，但外層蜂蜜又太甜搶了所有味道，加上超厚切， 似在吃淋上蜜糖的煲湯豬展般，幸有鐵板溫熱才不至乾硬。近年很多店舖賣的叉燒偏乾偏韌，很多人吃到腍叉燒已覺皇恩浩蕩， 其實好的叉燒不只講求肉腍， 更要肉汁豐盈； 好的叉燒要花時間醃製， 有一定脂肪， 火喉足，把肥膏燒至金香酥化，能做到炭香四溢更佳，好叉燒難求矣。Xo醬炒腸粉 芽菜太鹹，要連腸粉一齊食，但腸粉不入味，也欠缺醬炒風味。晶瑩鮮蝦餃 皮薄，但落味太重手，只能吃到蝦的鹹味。年前也有光顧，記憶中食物質數不差，但今次大失所望，總的來說調味太差，希望只是偶一失手。很怕光顧新城市廣場食肆， 食肆選擇雖多，但洗手間就寥寥可數， 任何時候都大排長龍， 作為一個大型廣場，配套之差無出其右！

今年母親節揀咗明珠閣食飯。一行五人，預早訂咗枱，去到即刻有枱畀我地。我地點咗個四人套餐，加個精選孖寶A。上菜好快，去個廁所返嚟已經有幾碟小菜出咗。可能係節日要翻枱。由於個套餐嘅“原隻鮑魚燴花菇”得四位，我地加單要多一客，價錢為HK$90。“砂窩雲吞雞煲翅”寫住(四位用)，可以舀到五碗，不過雲吞得四粒。呢個义燒皇係我最期待，因上次售罄無得試。不過，义燒太瘦，唔好食，好失望呀！“清蒸游水花尾龍躉斑”不過不失。“蝦子草菇海參煲”，海參唔夠入味。整體來講唔錯，會再次去幫襯。

同屋企人飲茶，呢一間點心得沙田先有㗎，每次飲茶都叫到成枱都係嘢食，次次都捧住個肚走😂而且覺得佢啲小菜或者點心都幾好食😋飲茶最鍾意叫多點心多小食，越多種類越好，搞到成枱都係嘢食先開心㗎嘛🤣呢一間整嘅叉燒都幾好食啊，用咗梅頭豬整，好入味又林，不過就覺得大嚿咗啲，切番細嚿啲就好啦～而且其他小食都好食，例如金磚豆腐，冶味鳳爪，雞絲粉皮，好多都好好味㗎👍而且佢哋嘅晚市都好食㗎。大家經過沙田不妨試吓😋

屋企人話想去飲茶，我就馬上想諗起「明珠閣」啦！事關先前食過都覺得唔錯，ㄧ於帶屋企人去試試~今次我地叫了兩客午餐和幾個㸃心，ㄧ邊食ㄧ邊暢談。先來叉燒飯叉燒肥瘦適中，好腍好滑，肉面還塗上蜜糖又甜又香，放在熱騰騰的飯面，好快便KO晒了。叉燒海南雞湯麵叉燒好食，海南雞又好有雞味，配上爽口生麵都不錯。但如果可以將叉燒和雞另上會便好。白灼芥蘭苗午餐可加$15有ㄧ碟，好清爽。蟹子滑燒買頂部有好大粒蝦和蟹子，又爽口又鮮味。菠菜鮮蝦腸粉腸粉皮薄，透出青綠菠菜和橙色的大蝦， 晶瑩通透賣相ㄧ流，食落口好滑~👍👍香煎素腐皮卷煎得酥脆的腐皮內包有雲耳、冬菇、紅蘿蔔，香脆爽口。三式手工包分別係三款不同造型的包，口味為奶皇包、豆沙包、流沙朱古力包。其中流沙朱古力包最特别，揻開包皮見到朱古力醬流出，馬上咬ㄧ口，都幾得意。今次再光顧都冇失望，屋企人都食得舐舐脷。我下次ㄧ定會再來，試下他們的小菜！