金島快餐

营业中

休息中

今日同同事嚟开呢头做嘢，到中午时间入咗呢间旧式茶餐厅食晏。 餐厅环境就麻麻哋，不过人流劲多， 点餐方式好似快餐店咁，喺收银处叫完就拎个牌坐低等侍应送食物。我叫咗焗牛腩饭， 酱汁好足料，食到最后都可以有足够酱汁捞饭，牛腩够哂淋，但如果数量多啲会开心啲， 饭系炒饭底， 整体嚟讲好好味。同事叫咗猪扒炒乌冬，普通豉油汁，但胜在猪扒够肥美够哂淋，猪扒真系有猪肉味，唔似用化学嘢腌到冇哂肉味。最后我哋叫多个薯条西多士一齐食， 最正系波浪薯条够热够脆，西多士都好有水准。如果嚟开美景可以一试。