姨婆瑪麗 (已結業)

经常在北角出没，开业时已经想试，但看过头几篇食评就打消念头。直到今日，已经唔想再食茶记或粉面，于是抱住试一次嘅心态入去。自己唔食得辣，所以点了怡保鸡汤面加可乐。食物份量比想像中多，翼脾位有帮你斩开都几细心。汤嘅味道唔系我印象中嘅怡保汤味，以清汤底计入口都几浓，冇加水～ 鸡肉亦冇讲到咁鞋啰～ 我觉得虽不至好好食，但绝对合格。价钱以同地区计算，车仔面三𩠌要$38。我点嘅面就贵咗少少$58唔包饮品。普通饮品包嘅话感觉会好好多。