姨婆瑪麗 (已結業)

之前經過幾次依間馬來西亞美食～今次真係唔試唔得選擇唔算多～不過都幾有馬來西亞風味辣死你姨媽係一個餐有椰香飯、辣牛腩、炸雞髀、汽水～聽到個名就知唔食辣嘅真係唔好叫～椰香飯椰奶味唔重～飯粒粒分明～配仁當牛楠幾淋幾入味～又唔算好辣幾香香料味～原隻滷蛋～仲有酸蘿蔔菜～同埋十分咸嘅魚仔花生～仲有即叫即炸怡寶炸雞脾～皮脆肉嫩啱啱熟雞肉唔會好乾豬軟骨魚片頭滷水蛋喇沙油麵～滷水蛋有一隻冇咩味～三塊魚片頭～豬軟骨冇乜味似水煮～三款餸都冇乜特色～好彩有個喇沙湯底補救下～如果唔係呢個價錢真係唔抵食馬來西亞風味餐廳唔算多～要保持住特色先有競爭力

想食傳統馬拉嘢，今次就試咗一間小店。佢個名好特別，叫姨婆瑪麗我諗呢個應該係啲馬拉話嚟嘅。入到去同老細落單都感覺到老細應該係馬拉人，今次應該冇死啦，應該到原味道今次叫咗三樣嘢一個怡保咖喱面，馬來燒菜心，自家特飲佢個咖喱面好足料個咖喱亦都好濃，佢係一個馬來咖喱，會偏向椰香味較重，佢嘅配料全部都係一啲好索湯嘅材料，正但係今次我想重點介紹馬來燒菜心，雖然佢真係要等好耐，因為佢係即叫即燒既。佢燒完開咗邊有窿邊嘅味道，但係內裏仍然識到蔬菜嘅鮮甜，而且佢主要揀咗菜心苗會比較嫩口，如果20幾蚊食一個青菜一句真係最佳嘅選擇

約朋友去北角春秧街市行好多野買.行完入去食野.點知仲比街市污糟,食品質素又差,職員態度更差.食到一肚氣.早知道買個面包食仲好過佢.起碼食得落口又唔使受氣,又熱冇下次

人人都知道春秧街係福建街，但後街有一間唔起眼嘅小店，一直做馬拉怡保菜式，老實講一直見佢生意麻麻，以為佢都捱唔住，今日去到見佢都仲有開門，所以坐低又食個餐。今日試佢個肉骨茶，個肉骨茶嘅賣點…係好平！之前我食過「數碼數碼」嘅肉骨茶，食係好食，但係淨係碗肉都已經要$100 ，未計白飯，油炸鬼，價錢真係幾貴，呢度就只係60幾蚊就有一份肉骨茶餐。肉骨茶比較重藥材味，唔係好胡椒，肉來講都算有返咁上下，唔多唔少。咁晚餐一場嚟到，就叫多咗一份串燒。今次叫咗豬肉串燒，佢嘅晒啲汁係有啲同其他舖頭唔同，唔可以話佢係好味或者唔好味，因為根本係另外一款醬，比較偏甜。咁豬肉就比較油，我估係燒嘅時候掃得比較多油，咁食落上嚟味道都還可以，都係果句，串燒$14嚟講的確係好平。最後，帶返個頭盔，食就真係唔算好食，不過呢個價錢，可以食到呢個份量，又至少比起快餐店高嘅質素來講，的確係幾抵，希望下一波疫情之後佢都仲捱得住啦。

叫咗外賣速遞唔知係店舖問題定車手問題遲半嗰鐘先送到仲要送條頭髮俾我一定無下次撇開環境衛生問題食物正正常常 對得起嗰價嘅大碗 湯底味道正常一定唔會再食喇沙選擇仲有好多

門口有燈招牌，Ipoh Mari 姨婆瑪麗個名幾得意。裝修簡單光猛，白色牆身配淺色木枱，容納廿零人。主要馬來西亞菜式，肉骨茶/椰香飯/摻摻/串燒都有。✨味道74分，環境66分，服務70分。.🔸自選湯麵(3餸) ($42)•老鼠粉：有唔同粉麵揀，米粉/油麵/摻摻/菜底，試下老鼠粉，原來係銀針粉，原來湯食都唔錯。•咖喱湯底⭐️：好濃味，甜甜地，少少辣，好香。•冬菇：唔錯•蘿蔔：夠稔夠入味。•西刀魚蛋：都算彈牙，正常野。.🔸巴生肉骨茶(配飯+油炸鬼) ($68)肉骨茶入面排骨幾稔，沾完甜醬油送飯唔錯，仲有雞腳。油炸鬼浸落肉骨茶，稔少少，給埋肉骨茶味再食。整體肉骨茶唔錯，但可以再濃郁啲，比較喜歡藥材味濃點。

68蚊睇個set非常之豐富有炸雞髀，牛腩同埋椰香飯同埋一埋配菜。炸雞髀望落去同個樣一樣好似炸左好耐好乾，好彩咬開嘅時候仲熱，證明佢都起碼應該啱啱翻炸過，而且都仲有少少肉汁，但呢個價錢都算係咁啦。個牛腩雖然細細兜但係好正好入味，完全彌補返成個炸雞髀，可或兜野有條不知名黑毛；椰香飯就普通，冇乜味；配菜方面，嗰啲雜菜就非常之甜，味道少少奇怪，食左一啖就冇食；酸瓜嘅酸辣醬就多得滯，但係有正宗馬來西亞風味，甜味入口然後啲辣味先至一次過湧出嚟。飲品方面有汽水同埋無糖烏龍茶，我揀無糖烏龍茶都ok估唔到呢個價錢，都有呢個set，可惜鋪頭冇咩人上菜時間都比較慢。建議餐廳可以一個SET先專注造好幾樣野食，否則好易兩面不是人。

上app睇星馬菜呢間雖然唔算特別多人評價但絕對係隱世好味小店！6點入座唔算多人叫咗一個蝦麵唔好睇上去冇乜特別原來深不見底！份量超多加埋佢個辣醬勁惹味椰香飯可以揀送揀左咖哩牛腩又係好好食個飯仲好大好香加多咗個小食檳城五香豬肉卷雖然外表平平無奇但食落去風味十足又香口、又好味，食到停唔到口而且冇乜係其他地方見過真係好特別到夜少少，已經見到好多客人，相信都係熟路街坊

.又黎到北角搵野食既一日呢間良心小店係超地道馬來西亞風味🇲🇾價錢又相當親民💰當然價錢平就唔好預咗會有咩好好既服務啦.🥢姨婆蝦麵 $48湯底係超濃味既蝦味🍤似係用新鮮蝦煲出黎既香味餸菜都唔少 有蝦 魚蛋 通菜 雞蛋🥚一碗麵份量都好夠一個女仔既食量🙆🏻‍♀️.🥢 娘惹喇沙 $48喇沙味本身好濃 食落就唔算太辣都好有馬來西亞味😋唔食得辣既人都頂得順🌶呢個價錢有埋魚蛋 魚片頭 豆卜 雞蛋都算係咁啦.🥢檳城五香豬肉卷 $42豬肉卷食落好正🫔食落唔滯唔硬豬肉包埋其他餸好爽口點埋辣醬真係好野味👍🏻.🥢參巴魷魚燒菜心 $42魷魚本身雖然好辣 但連埋菜心一齊食就好好食🥬咁多肉之間食啲啲菜懶係健康咁都唔錯😂.

前兩日去外賣蝦麪，餐單上寫明有腐竹、魚蛋及蝦，但外賣回家發現只有半邊魚蛋及三隻細蝦，腐竹及魚蛋全失蹤，換來芽菜薦底，同餐單完全圖文不符，$50一碗咁嘅麪有被欺騙之嫌。

今日去咗呢間餐廳食晚飯。今次我對食物方面，喺度唔作評論，因並非重點。重點在於當我食完埋單時，有一名店舖職員(肥身型女子)，喺我用八達通俾錢後(聽到嘟一聲清楚表示已付費)，但依然唔俾我離開。當時她表示一直未收到錢。她一直叫我再俾錢，我初時一直順從，並將八達通一直拍在她的拍咭機上。但她則向我表示一直都收唔到錢，並一直呼喝我要再拍咭，再拍咭，再拍咭。拍幾次後，我開始覺得奇怪，於是立刻檢查八達通付款紀錄。紀錄清楚顯示我早已經付款，而八達通總額亦有扣數。我將資料立刻展示俾該女店員，但她竟然一直態度囂張，對客人超級無禮，並一直呼喝我未付款唔准走，全程耽誤我時間。當時有另外兩名店員出來制止，並向我了解。我向他們清楚展示付款記錄，他倆亦確實我已付款。但該名女店員仍然對我呼呼喝喝，並且一直不覺得自己有錯，一直繼續喃喃自語：「未俾錢唔准走，未俾錢點解要放你走。」雖然其他店員早已確認我已經付費，但該女店員繼續對我態度超級囂張及無禮。我對該女店員態度萬分失望及感到委屈，亦開始向她索取名字，準備作出投訴。但她卻一直態度囂張及無視我，並同我一直講：「我唔會俾你，唔會俾你！」雖然另外兩名店員已對她的行為加以制止，但

姨婆瑪麗，齋睇店名，唔會估到食咩菜式，睇埋英文 Ipoh Mari，就知係食馬來西亞嘢。不過 Ipoh 點解唔直譯怡保，要變咗做姨婆呢🤔？叫咗碗推介嘅姨婆蝦麵，油麵底，配菜有蝦，西刀魚蛋，通菜，芽菜，半隻蛋同炸腐竹，都幾豐富。上枱時見到湯底都幾淺色，呷一口，果然味道較淡，蝦味亦唔濃，menu 話呢個麵屬一隻辣椒，但其實辣味頗為薄弱，就算加埋上枱時放喺湯羹入面嗰丁點辣醬，仍然不足。雖然湯底有待改善，不過其他配菜其實都唔錯，我最鍾意通菜，份量好多，連湯一齊放入口，幾正😋；另外炸腐竹都唔錯，幾香口；西刀魚蛋亦算彈牙；其餘配菜就正常味道。埋單四十零蚊，我絕對收貨。

辣死你阿媽-配怡保炸雞髀($64)辣死你阿媽其實即係nasi lemak 😂所以係椰漿飯，有魚乾仔，蛋，同花生，重點當然有參巴辣椒醬。個醬好似甜辣醬，好開胃炸雞髀雖然皮脆，但肉炸到乾晒，一般辣死你阿媽-配冷當牛腩($64)，其實冷當亦都稱為巴東，印尼嘅一種咖喱，牛腩切得較細，睇落好似好多辣油但食落又唔會好辣，而且牛腩都炆得好林，整體不錯沙嗲雞肉串($30/2串), 好大串，肉質正常，但個沙嗲醬唔夠香，欠缺了串燒嘅靈魂烏打烏打($34/4串)，係魚蓉用一啲微辣香料製成，再用蕉葉包住燒，魚蓉質地都幾實，香料味道偏向似咖喱，都幾得意

一個人食飯都啱黎尼食，因爲店面唔大，一個人坐一檯會比較鬆動🤣 話說店家係只收現金，我當日第一次去食唔知道，唔夠現金俾🥲店長好好人，放我走，叫我去㩒錢，完全唔怕我走數😍食物方面亦唔錯，尼個價錢的確抵食！辣死你媽+無糖綠茶。 8/10辣死你媽個名已經夠搞鬼！(即係Nasi lemak既廣東話音）我揀左魷魚通菜做主菜，配椰香飯同馬來泡菜。魷魚通菜既通菜炒得幾香，魷魚就一般啦。椰香飯有淡淡既椰香，配啲辣醬就超夾！ 然後我最喜歡食佢啲泡菜令到啲蔬菜冇左草腥味

A small laksa noodles shop near where I live. I think the flavor is quite authentic although I personally would prefer it to be a little stronger in spice. What actually amazed me is the “malay milk tea” which is actually quite yummy. Price is also very reasonable I also like all the paintings on the wall, make me feel like I am in Penang