願榮光咖啡館 (已結業)

朋友想支持黄店，所以去试吓。衰在我冇预算天气咁热，餐厅离开上环站咁远。要怪就怪自己冇规划好路线。应该系中环站去扶手电梯往上行。行楼梯唔系唔得，但夏天咁行就要量力而为。行完成身大汗就唔系咁舒服。好难再享受餐厅嘅环境同食物啦。话说行到上去，餐厅难揾门口有啲隐蔽。用咗差不多30分钟至揾到。天气三十几度。成身大汗。入到餐厅想去个厕所洗手洗面。但服务员话坏咗。要去PMQ至有厕所。顿时晴天霹雳⋯心里大叫。咁唯有问佢可唔可以比杯水。佢话冇。只有冲咖啡专用嘅水。入面有磁盘洗嘢，店里嘅狗有水饮，但冇水可以整湿张纸巾。客人要液体就要叫杯咖啡。大佬呀，我真系只系想要少少水湿湿张纸巾抹下手姐。佢好坚持一定要叫嘢饮。咁间餐厅系佢嘅，有咩规矩梗系餐厅定啦，接受唔到嘅客人咪唔好去啰。唔想同佢争拗唯有叫杯柠檬水，额外叫佢比一杯冰啰。心里一百个不情愿。但因为同朋友来咁就无谓扫朋友兴。一行4人。我到前，其余3人已经叫了套餐。而我都表明会再叫嘢食。唔会白攞佢杯水。有必要咁孤寒吗？不过都系𠮶句啦，比唔比水客人饮系佢嘅自由。我只可以讲我同呢间餐厅唔夹。就算俾钱我都唔会再去。至于食物，质素麻麻味道麻麻。份量比较细。唔好谂住会食得