La Casa Burger & Pasta (文咸東街) (已結業)

而家食晚市冇得堂食，谂住食burger会方便啲，嚟咗呢间系上环嘅汉堡包店。见佢又有二人餐，同埋加啲钱又有手工啤，于是叫咗都几多嘢。两个汉堡包拣咗经典芝士汉堡同薄切西冷汉堡。佢地用嘅包有啲似猪仔包，但又唔会系好韧𠮶啲。芝士汉堡配番茄生菜，系我最爱嘅汉堡包组合！西冷就好足料，真系有好多片，而且都好香同juicy，感觉好抵。其他小食有炸鸡翼，薯条同肉丸。薯条就比较冧，虽然多数人钟意脆，但冧嘅就啱我。鸡翼都唔错嘅，唔系得啲皮炸到大大嚿𠮶啲。肉丸就一般，我觉得多啲汁会好啲。