日嚐

营业中

休息中

一早bookmark咗呢间餐厅，满心期待去到，去到发现环境都几窄，要侧身摄下摄下先入到位坐低。店员态度感觉唔太友善，畀qr code落单时系掉落张枱。叫咗个慢煮和牛牛小排定食（$168），点知嚟到系一堆肥膏、色水唔靓、肉味欠奉、肉质难齿开，完全同「慢煮」、「和牛」等字眼唔挂勾。都唔好讲前菜嘅日式大根得一片萝卜，面豉汤淡而无味、得两块昆布，完全畀人感觉系冇心做好食物，非常失望。最尾食完晒，店员都收晒碗碟，带住嬲嬲地嘅心情，起身行埋去店员隔篱谂住埋单，佢好似唔知发生咩事咁，要开到声讲埋单佢先有反应同意识。简单嚟讲，食物质素差，极贵夹唔好食，店员态度有待改善。铁定唔会再食。