我愛慢煮 (普慶坊) (已結業)

今晚同男朋友黎到我爱慢煮食晚餐。餐厅采取自助形式，要自己点餐同攞餐具。美国安格斯顶级西冷牛扒，牛扒分大、中、小，我地要小的。西冷铺满黑椒和香草调味，但都几油下，唔算好有牛味，属于好咬既口感。蜜糖香草丹麦烤鸡锤有四只，大大只。鸡肉嫩滑，但完全唔入味，味道好啖。草莓酱比利时窝夫配意大利雪糕，配既系绿茶雪糕，我觉得唔太夹。窝夫口感偏结实，似食紧蛋糕甘。但呢个价钱好抵食，有三件窝夫加一球雪糕。比利时手工啤，男朋友话好好饮。荔枝接骨木花特饮有荔枝肉，清新香甜既荔枝梳打。呢间免加一，好难得。