小叻沙 (已結業)

早两月成日揸车经波斯富街，叫到呢间新店装修，之后见到系食喇沙，满有奇望。今日下午茶肚饿经过，就入去试下。简单装修，挂左d篮球波衫同篮球架之类装饰，明显老板钟意，但完全同间铺唔夹。呢d唔紧要，食物最重要。食喇沙最紧要个汤底，叫个最普通既试下，两片鱼片，冬菇，芽菜，少辣喇沙底，39蚊。一饮，就系超市买果d汤包开既汤底一样，一d虾头香味都冇，其实去街市买d虾头，或者叫供应商比d虾头，做好个胆，成碗面就可以完全唔同哂。虽然佢餐牌写到好pro,仲可以叫掺掺，但真系唔直得再去。P.S.楼面班哥哥不断讲跑马仔，厨房讲野出面楼面都听到哂，呢d软件野，执执佢喇。