越南牛肉粉專門店

营业中

休息中

今日嚟呢间日日都排长龙嘅越南粉面店食LUNCH，入到去先坐低，因为有位同事行得慢，所以3位先入，想坐卡位，但系阿姐话一定要4位到齐先可以坐，礼貌极之唔好，已经解释咗第四位唔使1分钟就到。算数，先叫野食，真系想快快手食完即闪。越南火车头汤河，配料都算足有牛丸，牛腩，牛筋，牛肉片。但系好可惜汤底唔得，一来唔够热，二来唔够味。同埋连越式粉面店一定要有嘅生辣椒丝，佢哋都冇提供，差！问佢哋挪仲要唔礼貌回答。越式炸春卷，炸得过晒火，只可以讲得个黐牙，完全唔好食。真系唔知点解可以咁多人排队嚟食，只可以话呢区冇其他越南粉面店所以就变成独市生意，应该以后都唔会再嚟！