名羊天下麵店

营业中

休息中

喺尖沙咀谂住行落旺角，刚刚落完雨咁就不如去食碗羊。之前见过呢一间，咁就顺便过嚟试吓。星期六中午时间我入去一个人都冇，都行到庙街呢个位咁就硬着头皮冲入去。今次第一次嚟，净系叫咗客羊肉面。跟住喺雪柜攞咗一包嘢出嚟就走左入厨房，转个头5分钟碗面就上堂。一睇啲羊肉，好似打边炉啲羊肉片咁，个刻打左个突。食落去同打边炉啲羊肉冇分别。再试埋个汤，系有少少同平时食开嘅羊肉嘅汤唔同，偏甜少少，都特登冇嗌嘢饮等睇吓阵间食完之后行出去会唔会有口干嘅感觉，好彩最后都唔算真系口干。反而个面底平时比较少食呢种，似北方面条，口感有啲特别。整体上唔可以还好食，但唔系我想要嘅羊肉面。