東京築地拉麵 (已結業)

之前见呢间餐厅评价唔错，抵食又有好食咁，就bookmark左要试。呢日终于都试到啦，不过有少少失望。特上大盛拉面: 我地食得饱饱地所以打算叫个大盛拉面加一个小食share啦，点知一上枱就呆左一呆。望一望隔离枱，佢地碗唔系大盛嘅拉面同我地呢碗一样大，原来大盛唔等于大碗的。拉面嘅配料有两件猪软骨，一块叉烧，半只蛋，笋干，豆芽同葱。由面至配料都系普普通通，虽然汤底都算浓郁，但整体完全冇惊喜。日皇炸鸡: 新鲜炸起上枱热辣辣，一共有4件都算大件嘅炸鸡。炸鸡反而做得唔错，炸衣唔厚而且松脆，鸡仲有少量肉汁唔会干。而且仲有两款酱汁，分别系韩式酱汁同芝麻酱，个人比较钟意韩式，甜甜辣辣几惹味。