永利清湯牛腩 (已結業)

好耐之前食过一次永利牛腩觉得好好食，但因为佢实在离我屋企太远而冇再食过，今日难得咁岩喺附近活动，即刻拉埋老公去食。我嗌左坑腩河，老公就嗌坑腩饭，饭系比粉面贵10蚊，本身都唔系好明，不过之后发现配饭既话牛腩份量系多好多，而且仲会配埋一碗清汤，咁呢10蚊都抵俾既。坑腩有牛味，个人口味觉得可以软淋少少更好，清汤唔油可以直接饮，不过老公就好不满个饭，饭质软硬不一，又唔香。我地事前满怀期望咁去，可能期望过大啦，今次冇左个种惊叹既感觉，甚至觉得有d一般，我谂下次就算再去附近活动，都会揾新餐厅试喇。