曜鴻石磨腸粉

营业中

休息中

今日岀去山景做野🥰个商场装修紧都好靓呀！一搭䢂上去就见到好大个banner ，见到啲肠粉都唔贵！（重点系我钟意食呢啲肠粉❤️❤️❤️)食物斋肠加五香肉丁叫左个斋肠加五香肉丁🤣个肠粉好重米味！好薄好滑，又有啲巢巢地，但又唔似潮洲肠咁一pat pat因为五香肉丁重味，所以好夹米味！加上秘制甜豉油😋😋😋😋正到爆！素三丝蒸米粉仲有米粉…唔系焖就汤架啦🤣蒸咪一pat pat？🤣丫😱佢原来系劲滑㖞，唔会痴埋一旧…再加上萝卜丝有咬口，木耳又爽口，口感劲多层次！好饱肚！同埋一定要试个辣椒酱！真心好香❤️❤️❤️黑豆浆个黑豆浆又系超好饮！我冇摇匀，饮头个层就好清甜嘅黑豆味，佢唔系好甜，所以我以为系黑芝麻黎，咁岩老板娘系到，我就问佢系豆定芝麻🤣🤣🤣饮到底就好浓滑嘅黑豆味，冇豆渣，隔得超清！咸酸菜、青椒我第一次去食，老板娘都话生面口，送左少少咸酸菜同青椒俾我试下捞落米粉…劲好食👍🏻其他一路食一路倾计，唉😮‍💨做饮食真系好心酸，点解做得咁平，系因为街坊生意要做得有良心❤️本身谂住平平地食完话算，但真系好好食😋所以忍唔住影低摆社交平台，然后佢话:唔好讲得太好，因为之前有熟客谂住帮我，摆左落群组，但啲网民话系打手..我心谂:唉