曜鴻石磨腸粉

营业中

休息中

大愛這種晶瑩透薄的腸粉！隱身於山景街市之中，在各式熟食店中突圍而出，成為我個人近期最愛。除了價廉物美，還有各種渠道提前下單，節省等侯時晶。一般現場購買大概等5～10分鐘就可以取，而透過外賣平台預先下單、提前打電話/whatsapp提前下單，就可以自行安排預好時間立即取囉！～雖然還沒有試完全部菜色，但所嚐過的幾個款式都好好吃喔，特別推介素三絲腸粉，爆餡之選！附近都是以肉類為主的食店，想吃菜真的很難，難得這裡可以選到全素喔。素三絲腸粉蔬菜都蒸得熟透，沒有菜腥味，加上鹹香可口的鼓油，真在是太美味了！我猜想如遇上偏食不吃菜的小朋友，可以哄他們吃吃看這款呢。蔥花蝦米腸一片雪白的腸粉，實在吸引，除了鼓油，還可以點他家的辣椒油，也是十分可口。另外，早餐時段直到中午1點前，有三文治和簡單麵食供應。我最喜歡坐車時先下單，到店後立即取。

我一向都好喜歡腸粉， 特別係布拉腸粉， 之後在廣州試過， 但好想係香港搵番味道想似的。 有日行街時， 發現有一間小店， 口感與味道都不錯。 份量仲好大份添， 係屯門仲有兩間店添🥳（5⭐️最高）肉燥腸粉 （5⭐️）首先， 肉燥份量超多， 跟台灣肉燥相比，味道比較消淡一點，亦都無滷水蛋。 肉燥當中有少少蘿蔔潤，加少少鼓油，已經好夠味。 我喜歡布拉腸， 因為比較簿身， 細滑😋。蝦米腸（5⭐️）蝦米腸成日都食， 但好多時都比較厚身或食材唔多。而皇上話最重要係夠香🤣， 今次試尼個，有驚喜。老闆娘見我地傾開食腸粉的小習慣， 就特別整左一條簿身比我試，真係比其他滑好多😋😋， 加上自家整咸酸菜及辣青椒。 果然係別有一番風味🉐五香肉丁蒸米粉（4.5⭐️）除了腸粉， 都有一d快閃小食😆， 皇上最喜歡就係五香肉丁， 但比起湯米會硬身一點， 所以扣了少少分😅芝麻糊（5⭐️）香滑， 一個字正。一打開個盒， 就聞到黑芝麻香味， 甜道比較偏淡， 我比較喜歡， 因為可以帶出芝麻香味。

今日岀去山景做野🥰個商場裝修緊都好靚呀！一搭𨋢上去就見到好大個banner ，見到啲腸粉都唔貴！（重點係我鐘意食呢啲腸粉❤️❤️❤️)食物齋腸加五香肉丁叫左個齋腸加五香肉丁🤣個腸粉好重米味！好薄好滑，又有啲巢巢地，但又唔似潮洲腸咁一pat pat因為五香肉丁重味，所以好夾米味！加上秘製甜豉油😋😋😋😋正到爆！素三絲蒸米粉仲有米粉…唔係燜就湯架啦🤣蒸咪一pat pat？🤣丫😱佢原來係勁滑喎，唔會痴埋一舊…再加上蘿蔔絲有咬口，木耳又爽口，口感勁多層次！好飽肚！同埋一定要試個辣椒醬！真心好香❤️❤️❤️黑豆漿個黑豆漿又係超好飲！我冇搖匀，飲頭個層就好清甜嘅黑豆味，佢唔係好甜，所以我以為係黑芝麻黎，咁岩老闆娘係到，我就問佢係豆定芝麻🤣🤣🤣飲到底就好濃滑嘅黑豆味，冇豆渣，隔得超清！鹹酸菜、青椒我第一次去食，老闆娘都話生面口，送左少少咸酸菜同青椒俾我試下撈落米粉…勁好食👍🏻其他一路食一路傾計，唉😮‍💨做飲食真係好心酸，點解做得咁平，係因為街坊生意要做得有良心❤️本身諗住平平地食完話算，但真係好好食😋所以忍唔住影低擺社交平台，然後佢話:唔好講得太好，因為之前有熟客諗住幫我，擺左落群組，但啲網民話係打手..我心諗:唉

屯門呢個荒蕪之地要搵啖好食真係有D難道既!經朋友介紹話行完波羅山後肚餓係良景市集食到一檔CP值極高既人手石磨腸粉,所有食物都係每日朝早4點由師傅人手製作架!絕不賣過夜!最近山景開左分店,於是我今日放假二話不說趕及在人流較少既時間去試一試先!店鋪都唔算難搵既,近輕鐵嗚琴站, 都係山景街市地面, 唔洗5分鐘路程!去到果時已經見到有6-7個客人等緊食物製作!心想今次一定唔係伏啦,咁多人幫襯!大約等左5-10分鐘終於到我叫野食今次試左幾道比較出名多人叫既菜式既!食物方面:素三絲蒸米粉睇張相都知份量大到就迫爆飯盒啦! 抵食! 雖則話係素但係有少少蝦肉架!素食朋友要注意!肉碎腸粉一般人我相信叫一盒呢個近台式料理已經好飽,絕無偷工減料,試問出面邊度食到肉係多過粉既地方呢???雞蛋香茜腸粉一般出面食到既係未夾到蛋已經腸粉同蛋都夾散左,但我都係第一次可以一整塊夾上口咬到,好有口感而且好FRESH!牛肉腸粉豆香MIX牛肉香同時供上味蕾, 建議不用任何調味料品嚐此菜飲品方面:豆漿人手石磨凍豆漿, 唔會一層層, 豆香味重, 不用加糖已經很好飲!甜品:海帶綠豆糖水甜品黎講價錢都算平,而且出面一般唔加海帶架!香滑

呢度既石磨腸粉名不虛傳咁高質，好食到真係要寫個好評表揚下👍🏻今次試左1️⃣ 豬潤腸粉 （$20）腸粉又薄又滑，食到落口口感好正好順口，最難得係雖然呢度係腸粉專門店但啲豬膶都好食，一啲異味都冇又唔苦，就算唔落任何調味料，都夠味，豬膶份量再多啲就好，不過呢個份量都絕對對得住個價錢！更加正既係呢度自家製豉油都好鮮唔會死鹹，辣椒油都好惹味香辣，有一粒粒既辣椒充滿咬口，連埋本身就好食既腸粉一齊食仲正💯💯💯2️⃣ 黑芝麻糊 （$15）如圖所見，呢個完全係黑芝麻漿，好濃稠，而且甜度適中，不過略嫌冇咩芝麻香舖頭位於山景街市內，店面雖小，都有個小既吧枱位可以堂食，坐得唔舒服但可以堂食新鮮熱辣既腸粉👍🏻今次叫左兩樣野都好食，真係好滿足、回味無窮！性價比亦都非常高！下次一定會再黎試下其他味既腸粉同豆漿！

早前見過有foodie 介紹過石磨腸粉已經好想試後來知道屯門都有兩間石磨腸粉店在屋邨街市裡面這天就來到屯門山景店一試 店前有兩個位子供堂食剛巧有兩名食客用餐完 當然要坐下來慢慢吃一看餐牌 腸粉的價錢實在太大眾化 絕對是街坊生意款式亦相當多 而且還有奶茶咖啡供選擇最後點選了⭐叉燒腸加芫荽($22+$3) ⭐熱奶茶($13)・先來熱奶茶一杯 微微嚐了一口 感覺還比茶餐廳好 屬濃滑的口感腸粉來了 份量很足 滿滿芫荽 已有微香碟上還附上店家的自家特色小食 ❤自家製鹹酸菜吃過才知石磨腸粉的分別 有米香味 有微微煙韌感 很薄很滑而且吃光全碟也不覺膩 完全沒有飽滯感覺與店員閒聊幾句 說到店家的腸粉全用米磨成沒有溝入全何粉漿 所以減少飽滯感另他亦介紹給我知 放腸粉的豉油是自家熬製放了雞豬等食材 不會過鹹過甜 完全做到提鮮的效果・吃過後當然想與家人分享店家推薦我這款⭐素三絲腸粉 ($20)很受老人與小孩歡迎 還跟我說放雪櫃再蒸翻熱亦可當然買回家後 家人第一時間吃光光了・😌有時總覺得莫名其妙一些手工製的傳統食物還有人願意花心思時間去經營但未必有可觀的利潤所以真的很欣賞

鋪頭每日人手用石磨機磨成漿， 老闆娘好客咁教我睇粉皮上既小黑點係「米穀」，好有營養，仲建議腸粉 ”拉薄” 可以試多幾款唔同配料🤪*豬潤腸粉 (拉薄) $20腸粉皮晶瑩剔透，餡料清晰可見，用豬骨同雞熬成既豉油，米香味更突出豬潤薄切，口感嫩滑唔會過熟，而且無腥味☺*牛肉腸粉 $22 雞蛋+$3厚薄均勻，口感比拉薄腸粉更加厚實煙韌、有彈性，牛肉新鮮唔會過熟*素三絲蒸米粉 $25配料豐富，有甘荀、翠玉瓜、木耳、粟米米粉不油不膩、爽口彈牙，有淡淡米香😋*芝麻糊 $15香濃的芝麻香味，相信一定先將芝麻炒起再煲🤭口感濃稠細滑，唔甜，有別於一般的糖水*桃膠紅棗雪耳糖水 $25超級足料，杞子同紅棗大大粒，飲落好清甜👍*黑豆漿 $8有一粒粒黑豆衣，証明真係新鮮磨出黎，飲落有淡淡豆香味，甜度適中👍😋

今日嚟到山景邨覓食，發現咗一間石磨腸粉，坐低一試發現的確唔錯。店面乾淨企理，煮食環境亦都非常開陽整潔!服務態度都超級好！叫咗個叉燒腸粉、黑豆漿、米粉同埋芝麻糊，樣樣都好掂！叉燒腸粉皮拉薄之後加上大大粒嘅叉燒粒，配埋店家特製嘅豉油，鹹甜度啱啱好！而且粉皮係店家每日用糙米即磨製造，真材實料得來又新鮮！黑豆漿無添加不太甜，非常健康！三絲米粉完全冇用油，蒸嘅米粉非常彈牙而且健康！芝麻糊都係超級細滑！而且不隔夜，每日夜晚都會特價發售清空！