海港酒家

营业中

休息中

而家有质素既酒楼真系买少见少，取而代之既系越黎越多小型点心铺。但又想同屋企人坐系度舒舒服服甘叹茶。住屯门既人，想系大兴村揾间比较好食既酒楼都几难。今日试左呢间海港，整体黎讲唔算贵，有d下午茶优惠都算抵食。但都暗藏杀机。见到佢个红油抄手有优惠，平平地十几蚊。一上到黎，就心知不妙。碗野点睇都唔似红油，最多红酱。食落，就系水煮云吞，上面淋一d辣椒酱，完全称唔上系红油抄手。受完抄手既惊吓后，我已经冇晒期望。点知又有d惊喜wor。个流沙奶黄煎堆，热辣辣，新鲜炸好，咬落要小心入面流出黎既奶黄。食落香口够脆，加返一分。唔知系咪海港既甜品比较出色，之后另一个甜品都有惊喜。呢款红枣糕食落有浓厚既红枣味，食得出系足料。唔似某d酒楼，食落得一阵糖味。而且佢既口感绵密，唔会食落单纯系鱼胶粉既质感。最后仲叫左个灌汤饺，都几足料，而且唔腥。个汤几清甜。入面食得到有虾，冬菇粒，猪肉等材料，几有咬口。最后，要讲下呢间酒楼既服务。好似有几多人投诉佢既服务差，但我当日去食，d服务态度又几好，有求必应（可能因为闲日少人）。所以呢间酒楼都可以一试，不过食得开唔开心，就视乎你既幸运程度啦