海港酒家

营业中

休息中

今日打電話去買羊腩煲外賣，話要$188再加7蚊外賣碗。我覺得奇怪打去其他分店，全部都係$138，而且不需外賣碗費用。我再打電話去問，都係$188，再追問下就話叫經理同我講，經理話來貨貴咗所以貴咗，我同佢講我問咗四五間分店都係$138，馬上改口話因為節日所以貴咗，我問佢今日係咩節日又答唔出，跟住就話照$138賣俾我，好恐怖嘅海港酒家，原來價錢係經理隨口嗡的，影衰海港個招牌，大家去這家海港真係要小心check真有無收多。

星期日瞓醒就求其喺附近搵間酒樓食點心。 去咗卓爾廣場間海港酒樓，兩個人叫咗4碟點心。 分別係燒賣，雞扎，金錢肚同一盅鳳爪排骨飯。 點心味道同早兩個月比差左好多，點心唔係熱辣辣只係微暖，金錢肚太淋又唔入味。 鳳爪排骨飯似食豉油撈飯多d，完全無味道同飯香。 😖我估應該轉左點心師傅， 睇黎下次可以搵第二間酒樓同屋企人食了。

午餐4個人，點咗雙乳鴿連米線$98。乳鴿新鮮炸起好香脆，上枱自己剪開，皮脆肉嫰，可惜咸咗啲。跟乳鴿有3塊炸蝦片，好脆，可惜表面有一點點，唔知係唔係油的問題。另外4個點心，叫咗燒賣好食，菜苗餃好食，生菜好脆好甜。最後是炸蛋散，又有少少油益味。埋單每人$66。以後午餐唔會再叫油炸嘢。

之前同家人去海港想食阿拉斯加長腳蟹，點知當日無晒蟹賣，有點失望，唯有改成澳洲龍蝦代替！今次我醒目呀，一早訂定枱及一隻蟹同BB慶祝生日，揀咗一隻五斤六兩嘅阿拉斯加長腳蟹🦀️，特價每斤$188， 不用另收油料費，真係好抵好抵食。用蟹膏蟹蓋炒飯，足料又夠鑊氣，好味及份量非常之多只需加$120，我見隔籬枱花雕蛋白蒸長腳蟹(加$100），賣相也很吸引，我下次一定要試吓長腳蟹唔同食法。我哋加多兩碟小菜，豉汁蒸白鱔及西蘭花炒帶子珊瑚蚌，味道也不錯。

而家喺香港飲茶，價錢真係唔平，唔怪得有咁多人北上消費。首先，今日飲茶，都係食咗一啲好普通嘅點心，但係價錢小點已經最平係$25 ，仲有成張點心紙已經得返一至兩款係小點，連普通嘅叉燒包都已經係中點，中點已經接近$30了。佢都有啲係特價點心，但其實特價偏心係星期六日週末都係每碟點心都要加多$4 ，所以其實特價點心紙都係冇特價。點心質素就正正常常，都係食蝦餃燒賣叉燒包呢類，味道正常發揮，所以整體嚟講都算幾貴。

晏就過嚟食D野 之前某間酒樓食過個蜜椒雞翼 見到依間有 嗌左嚟食唔係間間都咁味嘅～其他點心都上得幾快 熱辣辣蜆蚧鯪魚球最後先上枱 上枱都已經涷哂燒鵝叉燒雙拼飯 係最愛嘅瘦叉燒 燒鵝都唔錯好大碗飯🤭

每逢星期日，嗰時過節呢間酒家都會好多人喺門口排隊。今日就等我嚟試吓到底好唔好食啦。我哋下午茶入去坐。我哋揀啱時間係平日去，所以都唔使點排隊入到去其實都唔係好大服務都算幾好都幾有禮貌。我哋嗌咗少少點心同腸粉。我覺得佢裏面嘅叉燒腸係唔錯嘅燒賣蝦餃都幾好價錢都算合理，值得一試。

成餐飯食到一肚氣、慶祝媽媽生日一家人食飯,坐低已經不想招呼、落單點嘢食問你邊一度落單完全唔明佢講乜嘢 ？？食物質數還可以但今時今日咁嘅服務態度真係唔得個個好似趕收工游魂唔知喺度做乜 、有餸還沒到他就說不知道沒有完全不跟進 😅叫佢拎蛋糕出嚟就黑面話你唔早啲講 😅完全唔明態度同意思。……………………………………………………………………………….. －個字差

呢度曾經係我飯堂，之前覺得食物質素差左已少左黎，今晚一家人去食飯一心諗住開心去食蟹，由坐低到走人，侍應態度超惡劣，好似欠佢錢咁，黑面不止仲問乜都悔悔氣氣答唔想做，叫佢執枱d清d垃圾好似當睇唔到，唔係一個，係個個都好黑面，態度差到爆，就算忙都未至於咁態度對客，冇諗過會食到一肚氣又唔開心，我唔會再幫襯呢一間野

一行3日飲早茶時順道訂枱吃晚飯，被拒絕訂枱啦和告知不用訂枱；到了晚上18:10抵達，滿心歡喜卻換來早已訂滿的消息，甚至停止領取籌號，請問客人是用來愚弄的嗎？門口知客平日已經常黑口黑面，今次這樣折騰顧客實在太過份了。另外很想補充，若如知客所說17:30便開始入座，相信19:00左右便有客人交枱，並沒有需要停止取籌

見到西澳龍蝦又做特價228蚊一斤 所以就同屋企人嚟食龍蝦今餐嗌咗其他小菜 不過都冇乜特別 反而龍蝦好有驚喜!上湯龍蝦做得都幾出色 味道唔錯 唔會太鹹而且啲伊麵唔會煮得太冧 我哋嗌咗兩斤龍蝦 龍蝦嘅份量都充足 睇落都冇偷工減料而且龍蝦局得啱啱好 唔會好嚡而且西澳龍蝦比起一般波士頓龍蝦肉質爽彈好多今餐平均食咗每人大概二百蚊鬆啲酒樓嘅環境質素都ok 所以呢個價錢一啲都唔貴但今次呢個特價只係適用於西澳龍蝦  南澳嘅話要成$4xx/斤 好貴呀!唯有下次等南澳龍蝦做特價先再黎試下啦!

早前，媽咪跟晨運朋友一起走到屯門卓爾居的酒樓 <海港酒家> 飲茶，發現旺場番； 所以，她建議平日找一晚她不煮飯，請我們來食晚飯，反正，我們一家4口已經有3年無幫襯嘞！晚市食客多，相對人手不足，幸好！我們坐在走廊外圍第一枱，較容易截到侍應！環境好嘈難傾計，我們一家4人都要大聲講！點知，無食一排，質素差咗！餐牌鹵水豬仔脚既大隻又軟腍入味！媽咪最愛的小食之一！日式雜菜煲 $108原本想點古法炆龍躉斑翅，不過龍躉售罄！媽咪才決定叫日式雜菜煲；包括：魷魚鬚、日式蟹柳、冬菇、生菜、西蘭花...不過不失啦！纖維豐富！燒汁野菌安格斯牛粒 $168我們一家人都嫌牛肉粒肉質韌，不討好！勝在惹味！上湯焗開邊西澳龍蝦伊麵 $228 (轉芝士焗) +$68芝士焗龍蝦伊麵，味道無得輸！伊麵亦不會好軟腍，食一碗又不會覺得好膩滯！

因為屋企裝修,已經好耐冇約姑奶一齊飲茶.姑奶提議去屯門卓爾居海港酒家,話嗰度D點心抵食又好味.果然真係唔錯.到咗海港酒家.都幾多人等位.我哋都等咗半個鐘才有位,張枱又幾好喎,對住個大魚缸,睇住D魚游來游去,食肉都大增.跟住就即刻order咗幾個點心.蟹籽燒賣、養生棉花雞、雜菌齋腸、香煎餃子、鹹魚肉餅飯、蛋黃千層糕、中山甜薄罉、金瓜芋絲餅.上點心嘅速度一般.但好在點心係熱騰騰的.味道都唔錯.服務員態度都可以,下次可以再去.

屋企人生日，一家6口食飯慶祝🥳早兩星期預訂咗4月超值全包宴(6位）$1088雖然係半席，但份量幾多，足6人都食唔曬，又食又拎打包😆😆好抵食！！！唯一小缺點係套餐不包括湯，需要單叫。黃金蟹肉蝦球伊麵滿滿嘅蝦球；蟹肉融合喺醬汁中相對比較少 ，但加入蟹肉的味道比一般上湯多了一份海鮮的甜味，拌伊麵絕配西蘭花炒帶子珊瑚蚌大圍枱酒樓飯的標配菜式，亦係我最愛的菜式之一，帶子切成薄片，珊瑚蚌爽口蠔皇花菇扣鵝掌花菇和鵝掌十分入味，配上青綠的小唐菜，又是一道大菜脆皮醬燒雞一整隻雞，皮脆肉嫩，外表金黃欖豉醬蒸蝴蝶龍躉班龍躉班約2斤重，開邊蒸，時間掌握得啱啱好，魚肉十分嫩滑鹽燒鮑魚味道有啲似避風塘，鋪滿炸蒜，非常香口本身有啲怕這種煮法的鮑魚會好韌，但十分驚喜鮑魚爽口，不用刀叉都能輕易咬開

早兩日打電話預約，去到即刻有位，侍應招呼都唔錯，起碼唔會有人扮睇唔到舉手，特別一讚著長馬尾黑衫既女侍應/經理，幾次舉手都係佢招呼，最尾一次加單佢收左工換哂衫都照幫我地落單拎啤酒🍻，超敬業！————————————♥———————————- - - - - - - - - - - - - - - - - - - - - - - - - - - - -♥️ 海鮮三寶 $736▪️清蒸虎杉仔（1條）▪️上湯西澳龍蝦伊麵一份（約斤半）轉芝士焗要加$68，龍蝦都算大隻🦞肉量都多，芝士味唔夠濃郁，伊麵幾大份夾到6碗出黎。▪️海港燒鵝皇燒鵝味道退步左好多，調味料嚴重不足，骨多肉少。♥️ 馬拉盞通菜煲（例）$98炒得幾香，味道唔會過咸。♥️ 新鮮菠蘿咕嚕肉 $118新鮮菠蘿🍍好甜，豬肉炸到外脆內軟，炸粉唔會過厚，外皮被酸甜醬汁包著，酸甜度剛好。♥️ 燕窩燉奶 $56熱辣辣燉奶用燕窩鋪面，份量差唔多有兩湯匙，奶味偏淡。- - - - - - - - - - - - - - - - - - - - - - - - - - - - -————————————♥———————————