影片
更多
2024-04-26
841 浏览
🍜🍜誓要食匀全港拉面系列🍜🍜见餐牌几多款式，今次就试吓期间限定嘅「花雕醉人参鸡白汤拉面」汤底 : 可选「港式淡丽」或者「日式浓厚」。我今次就选咗港式淡丽。因为见到之前有啲comment话比较咸。先饮一啖汤，鸡汤底鲜甜浓郁，系好味嘅。但系就点饮嚟饮去，都饮唔到花雕或者人参嘅味道㖞！要好努力好努力品尝，先至有0.01%嘅参味？直头怀疑系佢会唔会比错面𠮶种。酒味就完全冇啦。面条：偏硬，唔觉有麦味，但都有荞麦面𠮶种粗糙嘅小麦口感。鸡：首先系完全冇醉鸡味嘅。佢喺汤入面附上两片煮熟比较厚嘅鸡肉，好普通，唔软滑。另外佢喺碟到仲有额外一片粉红色嘅鸡肉。我都有少少疑惑究竟系就咁食，定系需要浸熟佢？心理上都系惊惊地，都系放入汤度浸一浸。呢片粉红色嘅鸡肉浸完汤之后都嫩滑，比原本汤𠮶两块白色鸡肉好。溏心蛋：都几入味。环境方面，因为坐喺吧枱附近，啲烟系咁喷过来，都几热。同埋张枱黐立立。总结嚟讲，个汤底其实几好味嘅，但系就冇花雕味又冇参味，名不符实。鸡肉就冇乜特别。环境： ★★☆☆☆ 食物： ★★★☆☆ 推介指数： ★★★☆☆
见餐牌几多款式，今次就试吓期间限定嘅「花雕醉人参鸡白汤拉面」
汤底 :
可选「港式淡丽」或者「日式浓厚」。我今次就选咗港式淡丽。因为见到之前有啲comment话比较咸。
先饮一啖汤，鸡汤底鲜甜浓郁，系好味嘅。但系就点饮嚟饮去，都饮唔到花雕或者人参嘅味道㖞！要好努力好努力品尝，先至有0.01%嘅参味？直头怀疑系佢会唔会比错面𠮶种。酒味就完全冇啦。
面条：
偏硬，唔觉有麦味，但都有荞麦面𠮶种粗糙嘅小麦口感。
鸡：
首先系完全冇醉鸡味嘅。佢喺汤入面附上两片煮熟比较厚嘅鸡肉，好普通，唔软滑。
另外佢喺碟到仲有额外一片粉红色嘅鸡肉。我都有少少疑惑究竟系就咁食，定系需要浸熟佢？心理上都系惊惊地，都系放入汤度浸一浸。呢片粉红色嘅鸡肉浸完汤之后都嫩滑，比原本汤𠮶两块白色鸡肉好。
溏心蛋：都几入味。
环境方面，因为坐喺吧枱附近，啲烟系咁喷过来，都几热。同埋张枱黐立立。
总结嚟讲，个汤底其实几好味嘅，但系就冇花雕味又冇参味，名不符实。鸡肉就冇乜特别。
环境： ★★☆☆☆
食物： ★★★☆☆
推介指数： ★★★☆☆
花雕醉人参鸡白汤拉面
29 浏览
0 赞好
0 留言
溏心蛋
34 浏览
0 赞好
0 留言
张贴
