影片
更多
2020-11-01
1490 浏览
又到左大闸蟹季节，往年都有食大闸蟹习惯，系近两年因为啲蟹质素问题所以冇食。今年好想试试放题（以往一向食套餐），就去咗评价不俗的湾仔「金兜记」。佢都系套餐形式，有汤、小菜、饭、姜茶，只系蟹可以任食，一人$378，另计茶芥$28，仲有加一。任食分两个时段，6:15-8:15、8:15-10:15，有次walkin去博下，结果当然冇位，所以即场预约，如果想星期六食，都要等两个礼拜。强烈建议食第二轮，第一轮食到8点已经开始被人催（好声好气的），点都有压力，第二轮虽然9:30左右已last order，但点都轻松啲。仲有，最好8点前到，只要有枱店家都会安排你提早入座，唔系想讲可以食耐啲，而系8点后一大批客人到达，塞晒喺䢂口（地方浅窄），要等安排入座都颇耐颇混乱。讲返正题，金兜记选用日本蟹，比较细只，蟹壳只有女仔手掌三分二咁大，而且只会提供公蟹，钟意乸的就要三思。基本上一坐低都唔需要睇餐牌同点菜，职员就会主动波陆续上菜。最先上杏汁炖花胶，有淡淡杏汁味，但感觉味精味更重，花胶仲系爽口唔腍的。接住上嘅系每人半只乳鸽，同每人两粒黄金虾球，乳鸽正常发挥，顶下肚ok的，虾球反而唔错，虾球大只爽身，咸蛋外层甘
今年好想试试放题（以往一向食套餐），就去咗评价不俗的湾仔「金兜记」。佢都系套餐形式，有汤、小菜、饭、姜茶，只系蟹可以任食，一人$378，另计茶芥$28，仲有加一。任食分两个时段，6:15-8:15、8:15-10:15，有次walkin去博下，结果当然冇位，所以即场预约，如果想星期六食，都要等两个礼拜。强烈建议食第二轮，第一轮食到8点已经开始被人催（好声好气的），点都有压力，第二轮虽然9:30左右已last order，但点都轻松啲。仲有，最好8点前到，只要有枱店家都会安排你提早入座，唔系想讲可以食耐啲，而系8点后一大批客人到达，塞晒喺䢂口（地方浅窄），要等安排入座都颇耐颇混乱。
讲返正题，金兜记选用日本蟹，比较细只，蟹壳只有女仔手掌三分二咁大，而且只会提供公蟹，钟意乸的就要三思。
基本上一坐低都唔需要睇餐牌同点菜，职员就会主动波陆续上菜。最先上杏汁炖花胶，有淡淡杏汁味，但感觉味精味更重，花胶仲系爽口唔腍的。接住上嘅系每人半只乳鸽，同每人两粒黄金虾球，乳鸽正常发挥，顶下肚ok的，虾球反而唔错，虾球大只爽身，咸蛋外层甘香。
接住主角出场，每次每人有两只蟹，之后同侍应讲「加蟹」就得。讲真咁细只蟹都唔好期望有好多膏，偶尔都有爆膏嘅，亦有一两只系死蟹（蟹膏呈灰黑色）。因为系公的关系，所以质地比较creamy，透明部分就系佢嘅精子，有啲人未必钟意公好黐口的感觉，我就ok，不过，始终觉得呢度啲膏唔够甘甜，比较淡味，要用醋增味，唔知系品种问题定系其他原因。
临近尾声会上糯米饭同每人一碗姜茶。糯米饭冇咩料头，饭粒偏硬，分量亦极少，唔好有期望。至于姜茶就非常好饮，够甜够辣，饮落喉咙好舒服，心理上亦觉得驱左寒，可惜冇得添饮。
呢餐其实食得唔算饱，2个钟内只系不断拆蟹食蟹，小菜分量亦少，好似冇咩食过落肚，女士还好，男士就要注意下。第一次任食大闸蟹感觉一般，拆到好攰之余，可能食第一二只会好兴奋，但逐渐marginal utility就开始下降（读几年econ净系记得呢个term，简单嚟讲即系少食多滋味啰），变到冇咩感觉，所以，如果再食大闸蟹，我谂都系食返鸿X算了。
张贴
