影片
更多
2024-09-18
999 浏览
大前日（15-9-2024 Sun)朝，老公因缩醉就唔去教会，咁我，亚姨同佢一齐嚟饮茶啦。我哋嚟到都有人等位但唔多，我哋等咗几分钟后就有位，坐低后都冇人问要咩茶，之后侍应推住开咗嘅茶问要咩茶，我答香片。佢望望，话冇，转头拎嚟。咁我哋睇menu拣嘢食，拣好就递俾侍应，点知话呢张已经过咗供应时段，要我哋剔过另一张。咁我哋再剔啦，最后要咗：1. $48.00嘅八珍猪脚姜好耐冇食喇，所以叫呢样。先食猪脚，未腍，都几韧，而姜系好甜冇渣，醋汁系甜，好味，最后食只蛋，竟然系溏心蛋，然而，猪脚姜用溏心蛋，系唔合格，因为偏离传统。3.5分2. 大点QQ香蕉包馅系香蕉，成个唔太甜亦唔太浓，个皮系好弹牙，唔错。4.5分3. 中点樱花虾潮州粉果呢个足料而偏多西芹，皮腍咗啲，好似食到沙葛，而五香味唔浓。2.5分4. $41.80嘅鲮鱼球粥呢个粥有4个大小不一嘅鲮鱼球，口感好松软，味道淡，粥底都棉。3.7分5. 特点嘅爆浆榴梿球榴梿味够，外脆。5分6. 精点怀旧鸭脚扎呢个味道有啲怪，材料有芋头同鸡肉，芋头粉腍。3分服务：门口知客好好倾，侍应记性算唔错，传菜嘅都好留心，系收银一般。环境：有少少窄，冷气舒适。价钱：m
我哋嚟到都有人等位但唔多，我哋等咗几分钟后就有位，坐低后都冇人问要咩茶，之后侍应推住开咗嘅茶问要咩茶，我答香片。佢望望，话冇，转头拎嚟。
咁我哋睇menu拣嘢食，
拣好就递俾侍应，点知话呢张已经过咗供应时段，要我哋剔过另一张。
咁我哋再剔啦，最后要咗：
1. $48.00嘅八珍猪脚姜
好耐冇食喇，所以叫呢样。先食猪脚，未腍，都几韧，而姜系好甜冇渣，醋汁系甜，好味，最后食只蛋，竟然系溏心蛋，然而，猪脚姜用溏心蛋，系唔合格，因为偏离传统。
3.5分
2. 大点QQ香蕉包
馅系香蕉，成个唔太甜亦唔太浓，个皮系好弹牙，唔错。
4.5分
3. 中点樱花虾潮州粉果
呢个足料而偏多西芹，皮腍咗啲，好似食到沙葛，而五香味唔浓。
2.5分
4. $41.80嘅鲮鱼球粥
呢个粥有4个大小不一嘅鲮鱼球，口感好松软，味道淡，粥底都棉。
3.7分
5. 特点嘅爆浆榴梿球
榴梿味够，外脆。
食𡁵嘅爆浆榴梿球
29 浏览
0 赞好
0 留言
5分
6. 精点怀旧鸭脚扎
呢个味道有啲怪，材料有芋头同鸡肉，芋头粉腍。
3分
服务：
门口知客好好倾，侍应记性算唔错，传菜嘅都好留心，系收银一般。
环境：
有少少窄，冷气舒适。
价钱：
menu完全冇写点心价钱，就连茶位都冇写，只可以喺埋单时至知，令人冇预算。
而喺我埋单时，收银话$31X.00，我即问系咪计咗冇嚟嘅薄罉？佢至望望张咭同张单对，系圈少一个至知冇上齐。
如果唔系自己记住，好容易被呃。
最后终于知道茶钱系$12.00一位，大点系$30.80，中点系$26.80，精点系$34.80，特点系$37.80。
而呢餐连加人总共$283.00。
2.5分
上次食评系2024年8月9日刊登嘅呢篇：https://www.openrice.com/zh/hongkong/review/%E9%8A%80%E8%83%83%E9%A4%90-e5613820
张贴
