Shine (已結業)

今日系尖沙咀上完瑜伽堂，就同埋老师一齐嚟食饭，之前已经食过shine嘅午餐同晚餐，觉得质素非常好，今次就带埋老师一齐再过嚟食啦。餐厅位置好方便呀，成座大厦都充满着美食，搭电梯上到去，灯光比较昏暗浪漫，环境舒适又高雅，我哋两个比安排左坐系卡位。「明太子海胆意粉$188」，水准依旧系咁好，我哋上次你都有食啊，真心要推荐！三文鱼籽好多，一咬就爆汁，明太子酱好浓郁，成个意粉都好creamy，海胆鲜甜而不苦涩，每一次黎既必叫之选😆😆「香煎挪威三文鱼扒配香草忌廉柠檬汁$238」，卖相同摆碟明显都有精心设计过，煎至外皮金黄色既三文鱼扒，咬落又滑又juicy，唔会干。配碟有忌廉香草汁，煎薯仔块，杂椒沙津同埋芦笋，更可以食得出三文鱼扒最简单真挚嘅鲜味！😝今次我哋仲叫多咗个甜品，就系意大利咖啡芝士蛋糕，呢间餐厅嘅Tiramisu ，有好浓郁好厚嘅芝士，咖啡味同酒味都配合得相当好，我哋好快就成个食晒了。好推荐大家去食呀！性价比高，环境舒适，食物质素高，适合情侣/朋友黎食！