Coffeeholic (已結業)

继早几月前嚟过Coffeholic试过好评如潮嘅all day breakfast之后再带朋友嚟试试, 今次就坐近门口位置, 感觉开扬之余, 更有置身于上环特色食店嘅感觉!虽然个人系好钟意试新嘢, 但好味嘅食物系会想食第二次, 包括今次呢个All Day Breakfast!!  再食味道依然觉得好好味, 而今次沙律配水果干就有些少唔同, 由红莓干变咗奇异果干, 味道同样带酸,  两只水果干我都系咁钟意!All Day Breakfast 配咖啡依然系我指定配搭.  呢杯喜马拉雅海盐焦糖拿铁系呢度其中一杯Signature Drinks, 焦糖同海盐都聚喺面层, 细尝一口之后再搅匀分布一下会更好饮.另外都好想推介Coffeeholic嘅意粉, 呢碟澳洲大虾意粉单睇卖相已经好吸引, 估唔到味道都咁正!  最深刻系啲配料食材够独特, 黄色同绿色Zucchini好清新爽口, 仲有Radish等配搭令到呢碟意粉生色不少!