三多炸肶 (已結業)

原本今晚我们谂著喺屋企叫薄饼或其他嘅外卖速递返屋企食，但谂谂吓觉得食嚟食去都系𠮶啲，唔知想食咩，所以我们就谂起去旺角山东街嘅「三多炸肶」买新鲜即炸嘅炸脾外卖自取返屋企食！我们买咗三只招牌三多炸脾分别跟饭、意粉同沙律，他们嘅招牌炸脾每一次食都系咁好食，鸡皮炸得香脆，肉质超嫩滑多汁，仍然保持水准，意粉嘅面质唔会好腍身，沙律嘅薯仔唔会好腍身好似薯蓉咁，所以更加有口感！豉油肉碎炒肠粉炒得好够镬气，肠粉相当烟韧弹牙！之前食过沙嗲捞公仔面，所以今次就拣咗猪扒炒公仔面炒得好干身，公仔面嘅面质好爽口弹牙，味道非常惹味，猪扒嘅肉质相当松化！三多士系比一口西多大啲啲，咬开一半见到入面嘅馅料系花生酱，所以味道更加香甜滋味！