新斗記 (已結業)

呢排同老友晚餐聚旧，拣亲都系日本餐同西餐，好耐无食过中餐，所以今次老友就提议去新斗记到叹下,好耐之前已经听过呢间喺人气中餐厅,尤其系最出名嘅乳猪。今次两个人一于就擦餐劲嘅!话明系招牌菜，櫈都未坐暖，就即刻点点佢先!乳猪脆脆嘅外皮，再加上斩件嘅刀法,皮加肉一啖咬落去,哗!真系正到喊，果然名不虚传,仲要系唔腻,抵赞!腊味炒芥兰天气寒冷，又系腊味出笼嘅时间。炒得好香口,芥兰食落去好爽口，腊味又惹味,唔错!芝士牛油焗龙虾芝士份量啱啱好，龙虾都好新鲜，啖啖肉！芝士同牛油比例刚好!仲有甜品 红豆沙甜到适中 好喜欢果然无令我地失望，虽然好耐无食,但依然保持水准,唔怪得人气依然咁高企,下次我都会考虑叫多啲朋友过嚟一齐食,因为今次看看menu,仲有好多好似好好味嘅菜式都想品尝一下。哈!