影片
更多
2022-12-20
58 浏览
最近终于放宽防疫限制，但工作关系，暂时尚未可以飞✈️，我就唯有继续留喺香港消费，捐窿捐罅揾嘢食。星期六晚我同朋友预订咗位于中环嘅「USHIDOKI」食怀石料理，成日听人讲怀石料理Kaiseki，不过食都系第一次。料理店格局带畀人舒服嘅感觉，🪵木系嘅装潢平实得嚟不失气派。全场只得十二个座位，行「割烹」风格，客人坐喺围住开放式厨房嘅吧枱座位，可以一边享受料理，一边欣赏师傅嘅手势。呢度嘅师傅系来自日本🇯🇵，所以同客人之间嘅交流就全靠懂得日文嘅店员作翻译。同时，佢哋亦担当介绍菜式嘅角色，态度非常专业，且亲切有礼。同样系Fine Dining，但怀石料理比起西式更亲民，气氛轻松，唔拘谨。晚餐菜单每位$2,000，包含十一道菜🍽，以鹿儿岛和牛「小田牛Odagyu」作为主打，并融入「Tongue to Tail」嘅概念，估计系指全晚会食匀多个牛嘅部位。1️⃣先付Appetizer黄色碟入面装住嘅糊状系莲藕蓉，口感微微黏，几得意😚，并混入乌鱼子同高汤煮制。莲藕蓉中间仲放咗炙烧帆立贝同和牛柳，两款食材各自都几突出，帆立贝鲜嫩，而全晚食嘅第一件牛就已经好出色，质感软绵，肉味浓郁。2️⃣座付Zatsuki牛脷汤由三种
料理店格局带畀人舒服嘅感觉，🪵木系嘅装潢平实得嚟不失气派。全场只得十二个座位，行「割烹」风格，客人坐喺围住开放式厨房嘅吧枱座位，可以一边享受料理，一边欣赏师傅嘅手势。
呢度嘅师傅系来自日本🇯🇵，所以同客人之间嘅交流就全靠懂得日文嘅店员作翻译。同时，佢哋亦担当介绍菜式嘅角色，态度非常专业，且亲切有礼。同样系Fine Dining，但怀石料理比起西式更亲民，气氛轻松，唔拘谨。
晚餐菜单每位$2,000，包含十一道菜🍽，以鹿儿岛和牛「小田牛Odagyu」作为主打，并融入「Tongue to Tail」嘅概念，估计系指全晚会食匀多个牛嘅部位。
1️⃣先付Appetizer黄色碟入面装住嘅糊状系莲藕蓉，口感微微黏，几得意😚，并混入乌鱼子同高汤煮制。莲藕蓉中间仲放咗炙烧帆立贝同和牛柳，两款食材各自都几突出，帆立贝鲜嫩，而全晚食嘅第一件牛就已经好出色，质感软绵，肉味浓郁。
牛脷汤
3 浏览
0 赞好
0 留言
2️⃣座付Zatsuki牛脷汤由三种汤头整成，包括牛汤、鸡汤同柴鱼高汤。汤品除咗薄切牛脷片之外👅，仲加入北海道雪蟹、千枚大根(即系切到好薄嘅萝卜片)、莺菜同炸芋头等。汤品唔油腻，清澈得嚟好好饮，并渗出菊花香🌼，饮落好舒服同暖胃。
和牛他他
2 浏览
0 赞好
0 留言
和牛他他用上樱花木作烟熏🌸，以提升香气同观赏度，另外亦以多种矜贵食材作点缀，例如金箔同鱼籽酱。🐮他他由唔同位置嘅和牛同小黄瓜整成，食落无筋又带点爽脆。店员建议第一啖先食原味；第二啖再捞埋自家制作嘅鲜海胆酱食；最后就系放上皇室天妇罗紫菜一并食用。
4️⃣温物Warm Dish和牛寿喜煮算系其中一个高潮，师传开初会先向我哋展示阵间食嘅牛肉🥩，和牛不愧为和牛，雪花纹理超靓。同时，师傅更会问及我哋啲和牛想要几成熟。既然啲牛咁靓，就当然唔好浪费，可以食生少少。
店员介绍汤底系由开业煮到而家，大约三至四个月，并会每日更换新鲜嘅洋葱。🍲寿喜烧汁色水好深，不过味道惹味得来，唔会过重口味。另一边厢，牛肉上面有两种酱汁，黑色嘅系松露酱，而绿色就系春菊(皇帝菜)酱。
和牛寿喜煮
1 浏览
0 赞好
0 留言
师傅建议我哋将和牛包裹洋葱一齐食最滋味，洋葱煮到又淋又甜，而底部就仲有温泉蛋🍳，系经典配搭呢。最后千祈唔好忘记伴旁嘅一口松露饭🍚，你可以就咁食，或者将佢哋捞埋食，而捞埋嘅方式可将饭放入大碗，抑或将大碗内剩返嘅汁从旁边嘅咀倒入饭羹，制成TKG(Tamago Kake Gohan)。后者有啲高难度，所以我哋拣咗前者。
5️⃣箸休Hashiyasume接住落嚟就系雪葩🍧，主要作清新口腔之用，毕竟前面都食咗几道菜嘛。雪葩呈紫红色，不难推断佢系紫薯味💜，另再加柚子。佢同甜品唔同，甜度较轻，以清爽为主。伴旁有片炸慈姑，几特别。装住雪葩嘅器皿好可爱，我会喺食评尾段再作介绍。
和牛手握寿司
0 浏览
0 赞好
0 留言
每人一件和牛手握寿司🍣，制作一丝不苟。寿司所选用嘅牛部位系西冷，油脂比例较高，烧起上嚟份外香口，油香满溢。上菜前师傅会用烧热咗嘅备长炭再喺牛肉面烫一烫🔥，仲问我哋Ready未先动手，满足打卡嘅需要。寿司上面嘅汁系餐厅自家制嘅红酒苹果汁，伴旁就仲有腌渍西芹。
7️⃣强肴Shiizakana吉列沙朗牛扒三文治🥪…，吖唔系，系合唔埋嘅三文治先至啱。面包薄薄烘至微脆，左右两边唔同口味，店员建议先食鲜甜嘅海胆，然后再食咸香嘅鱼籽酱🤤。两样都同吉列牛扒好夹，吉列皮酥脆唔油腻，肉身炸完仍能保持肉汁。如果间场想清清味蕾，可试吓用红酒腌渍、微微辣嘅甘露子。
温煮和牛
1 浏览
0 赞好
0 留言
以碗盛嘅温煮和牛好适合呢个天气食用，只手放上碗边可取暖♨️。汤底系牛汤沟柴鱼高汤，再加入萝卜蓉同好香嘅紫苏叶。呢道菜嘅海胆经轻轻煮过，食落果然别有一番风味。和牛用上肉眼盖嘅部份，由于放汤，所以无其他菜式中嘅牛咁突出，反而同其他食材更融和。
煮物中白色软绵绵嘅系鳕鱼白子(即生殖器)🐟，味道其实唔腥，但始终咁煮就比较原汁原味，未必每个人都钟意食。我认为配埋日本蕃茄仔或京水菜一齐食，咁就无咁突兀，另发现原来水菜几有咬口的。
和牛西冷扒拼吉列鹅肝
1 浏览
0 赞好
0 留言
呢道菜式嘅摆盘直头好似艺术品一样🎨，色香味俱全。主角系和牛西冷扒同吉列鹅肝，西冷有一定厚度，食落口感好正，生熟度控制得宜。吉列鹅肝唔算常见，比一般西餐厅煎鹅肝更「外脆内软」，但本身已经系一嚿油，再炸埋就有啲啲漏🙈。
菜式嘅其他食材仲包括用鸡油烧嘅茄子🍆、艾草同小麦粒整成嘅面筋粉团、银杏、炸荞麦面、稻米爆谷同蒜片等。图中上方灯笼形状嘅系龙珠果，入面放咗粒柠檬味嘅糖渍栗子🍋，建议最后食用。整体而言，成道菜唔使沾汁食，都已经够味。
🔟食事Shokuji其实食到呢个阶段已经饱晒，但主食仍然有两味。首先有两件卷物🍙，一口大小，食用方便。紫菜卷包裹腌制牛肉同小黄瓜等，后者口感脆卜卜。左边𠮶件上面嘅灰黑色粉末系风干咗嘅鱼籽酱，制成条状再刨，散发微微香。另一件就系爆浆三文鱼籽，味道好出，极具咸香。
牛尾汤稻庭乌冬
2 浏览
0 赞好
0 留言
⏸水菓子Mizugashi最后终于嚟到甜品，最中饼皮有啲似威化，口感微脆，无变潮。两层饼皮中间夹住餐厅自家制嘅海盐雪糕🍨，以及合时令嘅粟子蓉，伴旁仲有件天妇罗炸蕃薯可以配嚟食。另一款甜品就系抹茶布甸🍮，抹茶香同蛋味好匹配。两款甜品甜度适中，再配埋热辣辣嘅绿茶，为完美嘅一餐作结。
怀石料理除咗提供优质食物之外，亦非常注重仪式感，以及用餐嘅细节，就例如男士同女士所用嘅餐具有所不用。男士用金筷子同净色茶杯；而女士就用红筷子同花花茶杯🥢。第五道菜装雪葩嘅器皿个盖亦有分男女图案，店员专登拎埋出嚟俾我影相。茗茶方面，食甜品前所配嘅就系焙茶🍵，而且店员全程会主动为客人换上高温热茶。轶事一则，每道菜都会由师傅递上，有一下我无为意自己用手接咗，佢哋即刻颇为紧张，店员并立刻帮忙，所以无乜特别事的话，我哋都系乖乖坐低、享受就好了😎。睇嚟整个用餐过程都涉及唔少学问啊。
图中左边𠮶位系餐厅嘅总厨，而旁边就系今餐嘅主厨👨🏻🍳；另外仲有两位助手冇入镜。虽然我哋并无用日文直接沟通，不过都充份感受到佢哋嘅热诚，以及对烹调同食物出品有好高要求。我哋坐喺席上犹如欣赏紧一场表演，师傅要喺事前做足准备功夫，先至可以将整个煮食过程，一览无遗、不慌不忙咁呈现于食客眼前。期间我当然亦有影相记录、拍低过程📸️，有趣地师傅见状会特意向我致谢。题外话，主厨嘅英文非常流利，所以都倾到偈。***
总括嚟讲，USHIDOKI嘅和牛怀石料理Fine Dining令人再三回味，基本上食物内容同用餐细节，均冇任何可挑剔嘅地方💯。套餐定价系高，不过考虑到所选用嘅食材，以至师傅嘅煮食技巧等各因素，我认为系物有所值。我自己本身对日式料理认识唔算深，所以呢餐除咗系食好东西之外，亦系一种全新体验🙏🏻。
我仲影咗佢嘅午市餐牌，算系简短版嘅怀石料理，价钱平啲，但我认为如果食，就直接帮衬晚市吧🌒，完整啲嘛！
张贴
