After 5 Wine Bar

营业中

休息中

闷闷地又唔想返屋企发呆，落去食个晚饭、饮返支红酒、打几舖 pool，relax 吓先，虽然成日食，但暂时都还未食厌既 ~老虎虾并龙脷柳配磨菇忌帘汁，虾够大碌、肉质新鲜弹牙、壳炸得香脆、虾头劲多膏，好味﹗龙脷柳尚算可以，系觉得咸左少少啫。个汁好香滑，个个都钟意﹗烧美式猪仔骨，炆得好腍、腌得入味、个汁酸酸甜甜好开胃，个人只系唔喜欢猪仔肉既口感好散，无赵口，可能因为煮完急冻而又雪得太耐，之后再番煮既关系。不过总括黎讲系好好味既﹗系可选之一﹗咖喱芝士薯条，一般情况咖喱系淋系薯条上面出，不过今次特别要求分汁。好香芝士味、咖喱微辣，好得意既配搭而好味道。我多数会要求要手切新鲜薯角，好讨厌机造雪藏薯条，新鲜口感更粉、更香薯味，唔知点形容，总之好食过雪藏好多好多啦。