影片
更多
2019-02-15
655 浏览
环拣左稻穗会隔离嘅寿司喰。店员热情招待，再诚意推荐左”Kuu” Omakase Menu (“喰”ぉ任せ)，即系交俾大厨决定成用餐FLOW。厨师推介，一定要嗌啦！前菜系海鲜温泉玉子以及生蚝。蛋嘅熟度啱啱好生熟参半，流质带D粘著感。海胆新鲜嘅香甜，三文鱼籽嘅咸香，仲有鱿鱼弹牙口感，再加上适量调味及wasabi，带出左鲜味嘅强烈冲击，虽然浓味但又清新，系一味几具挑战性嘅前菜。原只生蚝新鲜肥美，摆盘卖相好别致，特制调味汁加上少少柠檬汁巧妙咁辟走左生蚝嘅腥味，入口十碎葱同萝卜蓉令鲜味更出众，比自助餐食到嘅蚝高出一个level。日式料理有个特色，就系由浅入深，先品尝新鲜，再品尝浓味。之后到刺身拼盘，由左至右讲下：右口鱼薄切要点餐厅提供的柚子酱汁，而的而且确，酸酸甘甘对比下先带得出右口鱼鲜甜嘅风味。日本响螺非常新鲜，爽口香甜。牡丹虾虾肉饱满，鲜甜味跟住虾肉痴住口腔，久久不散。烧金目立同烧油甘鱼都激发左油香，但又有D唔同，金目立香滑肉质结实，油甘鱼较嫩同痴口，各有千秋。拖罗，一个字，极鲜。赤贝爽口弹牙，越嚼越有鲜味。虾头都唔会浪费，享用完刺身会拎去炸，口感似软壳蟹，仲有虾膏系入面，正！下一道更加精彩
前菜系海鲜温泉玉子以及生蚝。蛋嘅熟度啱啱好生熟参半，流质带D粘著感。海胆新鲜嘅香甜，三文鱼籽嘅咸香，仲有鱿鱼弹牙口感，再加上适量调味及wasabi，带出左鲜味嘅强烈冲击，虽然浓味但又清新，系一味几具挑战性嘅前菜。原只生蚝新鲜肥美，摆盘卖相好别致，特制调味汁加上少少柠檬汁巧妙咁辟走左生蚝嘅腥味，入口十碎葱同萝卜蓉令鲜味更出众，比自助餐食到嘅蚝高出一个level。
日式料理有个特色，就系由浅入深，先品尝新鲜，再品尝浓味。之后到刺身拼盘，由左至右讲下：
右口鱼薄切要点餐厅提供的柚子酱汁，而的而且确，酸酸甘甘对比下先带得出右口鱼鲜甜嘅风味。
日本响螺非常新鲜，爽口香甜。
牡丹虾虾肉饱满，鲜甜味跟住虾肉痴住口腔，久久不散。
烧金目立同烧油甘鱼都激发左油香，但又有D唔同，金目立香滑肉质结实，油甘鱼较嫩同痴口，各有千秋。
拖罗，一个字，极鲜。
赤贝爽口弹牙，越嚼越有鲜味。
虾头都唔会浪费，享用完刺身会拎去炸，口感似软壳蟹，仲有虾膏系入面，正！
下一道更加精彩—和牛石头烧。
餐厅提供一块烧热左嘅石头，将和牛放系上面每面煎5秒就可食用(烧肉个种「滋滋」声真系好满足)。调味料选择都有好多，黑椒盐、干葱、wasabi仲有烧肉汁，可以跟个人口味调整。而本人最主张原汁原味，和牛非常嫩滑，入口即化，香浓牛味迅速攻占口腔鼻腔，呢道菜真系好食又好玩。之后系雪场蟹豆乳纸火锅。雪场蟹脚大大只，多肉又多汁，新鲜得黎又啖啖肉。豆乳锅汤底十分浓郁，但意外地清淡，配合日本大葱、昆布、豆腐等蔬菜，更突显到雪场蟹嘅鲜味，亦可以算系和牛之后唔错嘅中场休息。
主食最后一项系手握寿司。餐厅跟足日本传统，入面已经落左少量wasabi同扫左一浸酱油系鱼生上面，唔使再点任何野。寿司款式有海胆、拖罗、深海池鱼、烧金目立、三文鱼包菜寿司。有两款特别值得一提：深海池鱼爽口清新，鲜甜嘅味道比其他鱼更出更甜，系本日最新鲜之选；包菜寿司真系第一次食，三文鱼切碎加上微辣酱汁刺激味道，生菜再予以中和，一样食物入面有良性矛盾可以激发食材之间嘅chemistry，带黎令人焕然一新嘅感觉。
作为结尾嘅系绿茶红豆布甸+时令蜜瓜+青柠啫哩。蜜瓜系好贵个种日本生果嘅品种，相当香甜多汁，果肉带香浓蜜瓜味。青柠啫哩酸酸甜甜，用黎抵消蜜瓜嘅激甜带黎嘅腻感。绿茶布甸有非常香浓嘅绿茶味，布甸奶味丰盈又带少少苦，同上面甜度高嘅红豆酱同CREAM相辅相成，交织出令人回味嘅美味，为呢餐放上美好嘅休止符。
老实讲，呢餐嘅级数有日本当地日式料理嘅高水准，冇谂过会系香港食到，有D喜出望外。虽然价钱唔平，但为左美食，偶尔都要再黎回味一下！
张贴
