棋哥燒鵝餐室

营业中

休息中

上次响铜锣湾分店食过下午茶，觉得都系麻麻地。呢次经过天后分店，唔信邪，再入去试吓，睇吓系咪间间分店都有所不同。睇吓个餐牌， 叉烧濑粉个卖相都唔错，所以就叫佢喇。义瀬到，同个餐牌，争一大决。$43到算数啦，味道都系普普通通叉瀬一碗。至于饮品方便，真系奇怪，话明系下午茶餐，但系冻热饮品要加$5，特别饮品要加$8，咁即系唔系套餐啦。咁饮乜嘢唔使加钱呀？水啰或者系咪唔冻唔热嘅饮品，就唔使加钱。特别饮品要加钱唔怪你。上一次帮衬佢哋， 冇乜留意就踩咗呢个雷。咁样不如大大方方，下午茶餐$48 ，干手净脚。