影片
更多
2023-03-14
314 浏览
之前喺将军澳上堂同同学食过一次之后觉得好抵食，所以今次特登带男友黎食。。佢哋得将军澳同尖沙咀两间分店，尖沙咀对我同男友嚟讲就比较就脚。去到餐厅，门口嘅接待员会问你系食冒菜定烤鱼，等佢安排就入得。尖沙咀店比较大，坐得舒服啲。我同男友叫咗一人一份冒菜(6款配菜)、黑糖珍珠鲜奶、红糖糍粑、四川传统酥肉同桂花蜂蜜冰粉。先嚟个【四川传统酥肉】唔辣，我好钟意孜然粉𠮶种香味~咬落去层炸粉唔会好厚，酥脆香口，好食。跟住就系【红糖糍粑】呢个系朋友之前推荐我必试嘅，所以今次嚟就叫咗。红糖糍粑外皮炸到有少少脆，但咬落去好软绵绵，入面有一层流心红糖。口感唔错，好食，不过我自己就麻麻地红糖阵味。大家都可以试下。【桂花蜂蜜冰粉】配料有：提子干、花生、桂花蜂蜜冰粉本身无乜味，口感似爱玉、凉粉𠮶类。主要味道都系靠配料同桂花蜂蜜。(仲有玫瑰蜂蜜、茉莉蜂蜜同红糖味可以拣)配埋提子干同花生，口感好丰富。整体唔算好甜，几好食。【黑糖珍珠鲜奶】奶味好重好浓厚，加咗黑糖珍珠落去都唔算好甜。好适合解辣~【冒菜(6款配菜)】冒菜分咗四类配菜：豆类制品、蔬菜、肉及内脏、丸及加工食品。跟餐主食有粉、面、饭，每款+$5。我今次就要咗：风琴
佢哋得将军澳同尖沙咀两间分店，尖沙咀对我同男友嚟讲就比较就脚。
去到餐厅，门口嘅接待员会问你系食冒菜定烤鱼，等佢安排就入得。
尖沙咀店比较大，坐得舒服啲。
我同男友叫咗一人一份冒菜(6款配菜)、黑糖珍珠鲜奶、红糖糍粑、四川传统酥肉同桂花蜂蜜冰粉。
先嚟个【四川传统酥肉】
四川传统酥肉
$36
19 浏览
0 赞好
0 留言
咬落去层炸粉唔会好厚，酥脆香口，好食。
跟住就系【红糖糍粑】
红糖糍粑
$24
16 浏览
0 赞好
0 留言
红糖糍粑外皮炸到有少少脆，但咬落去好软绵绵，入面有一层流心红糖。
口感唔错，好食，不过我自己就麻麻地红糖阵味。大家都可以试下。
【桂花蜂蜜冰粉】
桂花蜂蜜冰粉 (配餐)
$15
37 浏览
0 赞好
0 留言
冰粉本身无乜味，口感似爱玉、凉粉𠮶类。
主要味道都系靠配料同桂花蜂蜜。(仲有玫瑰蜂蜜、茉莉蜂蜜同红糖味可以拣)
配埋提子干同花生，口感好丰富。
整体唔算好甜，几好食。
【黑糖珍珠鲜奶】
黑糖珍珠鲜奶 (配餐)
$20
10 浏览
0 赞好
0 留言
好适合解辣~
【冒菜(6款配菜)】
冒菜
$50
15 浏览
0 赞好
0 留言
跟餐主食有粉、面、饭，每款+$5。
我今次就要咗：风琴豆腐串、蒿笋、肥牛、鸭血、猪大肠、鱼皮饺+番薯粉+芫茜、走蒜。
加芫茜只系$1，都算多，钟意食嘅朋友可以加~
上次食过有蒜，食完个口嘅蒜味太大，所以今次走咗蒜。
由于上次食BB辣都觉得辣嘅关系，今次就拣返清汤。
唔辣都好好食~
总结：
两个人加埋先二百零蚊就有咁多嘢食，味道又唔差，真系好抵。
环境舒适，地方都干净企理。
服务同一般餐厅差唔多。
见好多人叫烤鱼，闻到啲味好香，希望下次嚟试。
张贴
