老港情懷 (已結業)

今日同男朋友去左尖沙咀食飯！佢黎左接我放工咁乖，今晚就陪佢食佢最愛既火鍋啦！佢上網搵左一間火鍋店，最近新開業，主打港式情懷！老火湯底夠哂足料，湯底滿滿材料，未打邊爐之前飲一碗湯，好好濃郁無味精，好有住家感覺啊！我地叫左魚腩、豬肉丸、水餃、響鈴等等！全部都係大路既火鍋食材，但係水準質素都幾好啊！魚腩肥美夠新鮮，入口魚肉鮮甜好肥美，啖啖肉超滿足啊！水餃好脹滿，滿滿餡料入口好多汁，菜肉比例平均！響鈴超驚喜，熱辣辣脆卜卜，放入湯底吸哂湯底精華！男朋友超滿意！