十二味巴蜀江湖菜 (已結業)

第一次试十二味系列，系位于铜锣湾嘅十二味麻辣小当家，那家干锅好吃非常。今次就试下呢间江湖菜（我个脑成日想讲麻甩菜）。一入舖头已经闻到川菜嘅香料味，好期待㖞最先上系呢碟蒜泥白肉⋯首先个酱系唔错，不过冇乜蒜味，啲肉亦太干太瘦，本人觉得味道麻麻，我中意谭仔𠮶啲食完劲大阵蒜味口臭死人又多肥肉𠮶种，但系易肚疴嘅另一半就好欣赏呢种瘦猛猛嘅肉质，都好，唔怕食净太多😌跟住上辣子鸡，一上台就闻到好香，虽然鸡肉斩得较碎，但也因此鸡皮同肉都炸得非常香脆，送饭指数再嚟呢类川菜常见嘅毛血旺，虽然偏油，但非常惹味，份量多，有猪红、牛柏叶同我至爱嘅午餐肉每样材料都挂汁(?!)送饭指数最后其实叫左个甜品北川冰粉，不过一般食开桂花味，呢间竟然系玫瑰花味麻麻地又打左个突所以唔记得影相。不过呢间店绝对可以翻单，下次想试下佢嘅水煮菜式。