影片
更多
2018-06-13
31 浏览
上次食完水蜜桃冰室之后，佢已经入咗我嘅encore list，经济实惠，选择又多，所以又带朋友嚟食。今日系平日，唔会好似假日咁迫喺门口等位，一入嚟就有位喇。两个人被安排坐卡位，good！黑牛同雪葩都系我嘅铁胆选择，哈，钟意就系钟意，无解！餐汤系红汤白汤任拣，南瓜忌廉汤加蒜蓉包。饮品加钱转左黑牛(+$9)同雪糕咖啡特饮($11)，朋友话雪糕咖啡特饮正，饮得出系即磨咖啡，加左雪糕都唔会太甜。原来加钱连啤酒都可以叫㖞：铁板烧三文鱼拼虎虾 $118两只虎虾算大只，开边，虾肉够弹牙。三文鱼柳亦唔错，下面垫左啲洋葱更香口，鱼皮都煎到脆皮。唯一系个酱汁有啲似豉油汁，冇乜特别。美国特级Prime极黑牛小排180g$238用石板烧热，下面再加小火加热保温。牛肉一放上去就「咋咋声」，牛油香味咇晒出嚟，油脂好丰富，又冇根冇渣，好掂。望落虽然唔大份，但实际系有几层，份量都好足够。仲有两只生蚝，就咁攞啲蚝肉去烧就得喇，唔驶连壳。最特色系有个咸蛋黄炸鱼皮，店员推介系卷埋啲牛肉食，但我觉得斋食仲好食㖞！日本雪葩当然要食，出面食系贵好多架！太抢手，今日得返四款口味，最后拣左芒果雪葩(+$32)，都几有新鲜芒果嘅香甜味
今日系平日，唔会好似假日咁迫喺门口等位，一入嚟就有位喇。两个人被安排坐卡位，good！黑牛同雪葩都系我嘅铁胆选择，哈，钟意就系钟意，无解！
餐汤系红汤白汤任拣，南瓜忌廉汤加蒜蓉包。
饮品加钱转左黑牛(+$9)同雪糕咖啡特饮($11)，朋友话雪糕咖啡特饮正，饮得出系即磨咖啡，加左雪糕都唔会太甜。
原来加钱连啤酒都可以叫㖞：
铁板烧三文鱼拼虎虾 $118
两只虎虾算大只，开边，虾肉够弹牙。三文鱼柳亦唔错，下面垫左啲洋葱更香口，鱼皮都煎到脆皮。唯一系个酱汁有啲似豉油汁，冇乜特别。
美国特级Prime极黑牛小排180g$238用石板烧热，下面再加小火加热保温。牛肉一放上去就「咋咋声」，牛油香味咇晒出嚟，油脂好丰富，又冇根冇渣，好掂。望落虽然唔大份，但实际系有几层，份量都好足够。仲有两只生蚝，就咁攞啲蚝肉去烧就得喇，唔驶连壳。
最特色系有个咸蛋黄炸鱼皮，店员推介系卷埋啲牛肉食，但我觉得斋食仲好食㖞！
日本雪葩当然要食，出面食系贵好多架！太抢手，今日得返四款口味，最后拣左芒果雪葩(+$32)，都几有新鲜芒果嘅香甜味，yummy。
蕃薯雪葩(+$36)第一次试，估唔到连蕃薯都做到原个上，细细个几cute。相对生果雪葩得个果皮，蕃薯入面仲有两三成蕃薯肉可以食，好粉又唔太甜，而个雪葩味道又好食，值得一试。
张贴
