九份•十分 (河畔花園) (已結業)

上次同朋友黎呢间位于沙田围台湾餐厅食下午茶印象好好，食物抵食得黎台湾风味颇正宗，所以今次就黎试下佢地嘅晚市食物！😋首先叫左一个自选风味盐酥鸡，配有六种唔同嘅味粉比食客自由加落炸鸡享用，我自己最钟意梅子同埋紫菜粉，比较特别亦唔会太咸。鸡件方面亦炸得啱啱好，唔会柴身，保留到肉汁👍🏻👍🏻蚵仔煎用料丰富，啖啖都食到蚝仔肉，蛋饼口感粉浆感唔会过重，加埋特制酱汁好惹味👍🏻卤水鸡肾角卤得入味，口感爽脆唔会过腍，值得一试凉拌三小碟分别有鸡丝粉皮，蒜泥豆角同麻辣萝卜丝，个人最中意鸡丝粉皮，作为开胃菜一流👍🏻之后我地叫左个厨师推介嘅芒果软壳蟹米纸卷，我同朋友食落都觉得好有惊喜，米纸薄身，入面芒果同软壳蟹嘅配撘令到成件事好清新开胃，冇咁油腻，非常推介！主菜方面叫左个台湾半筋半腩牛肉面，汤底浓厚带点微辣，筋腩比例大概系一半，牛筋软腍唔会太韧，牛腩肉质亦啱啱好，配上菜甫同幼身面，正👍🏻👍🏻整体黎讲，呢间餐厅嘅菜色水准表现平均，保留到台湾特色，价格亲民，同朋友叫到成枱𩠌都系大概每人二百，系位置偏左少少，但住沙田区附近嘅朋友好推荐你地黎试！