永利清湯牛腩 (已結業)

行完卢吉道睇夜景，再行返落山去到西环已经好夜。起唔知食咩好之际，听朋友讲呢度有间港大食堂，开到夜一夜，叫做永利清肠腩，于是去拜会一下佢。好传统嘅铺仔，细细间三尖八角，枱都几细同埋油淋淋，好在人唔多，唔系都几逼下。主要系食烧味，咖哩同牛腩。见佢挂起门口啲烧鸭，鸡等都知挂咗好耐，都系不了。于是我叫咗清肠腩粉。牛腩有啲韧，汤底咸咸地冇咩特别之后最恐怖嘅事情发生，食食下见到碗汤有啲细细只嘅飞飞，都唔止一只。同埋有啲类似镬㶶嘅黑色嘅野...以$34黎讲都冇咩好要求，不过冇下次。